اللى اخذ الجنسيه ما باليد حيله عليه
بالعافيه......بس فينى غصه وفوقها شوية حرة
ما دام الجنسيه مافيها مفاضلات ولا يحزنون
ولا أعمال مميزه ولا بطيخ
كان من الأولى منح عيال بناتنا المتزوجات
من غير كويتين...... الجنسيه
على الأقل إمهاتهم كويتيات
على الأقل إمهاتهم كويتيات
وولائهم لارضهم وترابها ولاهلها
ومن الأجدر إنهم يكونون بالمقدمه
موالمغروده لازم تتطلق... أو تترمل بعديييييين
عيالها يحصلون على الجنسيه على الأقل هم الأحق
موالمغروده لازم تتطلق... أو تترمل بعديييييين
عيالها يحصلون على الجنسيه على الأقل هم الأحق
مو كراشى وطعمه وخشم وشاهر
هذييله مو أحسن من عيال بناتنا
تصدقون بناتنا عايشين بالضفة الغربيه وغزة
واليمن ومصر وكندا.....إلخ ....إلخ
واللى بالكويت أكثر وأكثر
لإنهم يحبون إسرهم ويبون يعيشون عيشه طبيعيه
حالهم حال الاسر الباقيه متماسكه و متضامنه
أدرى إنها إختياراتهم....و بمحض إرادتهم
ومحدغصبهم
بس هذا نصيب....!!!!! يعنى
لازم نعاقبها لإنها تزوجت غير كويتى
والا عيالها....لازم يقتلون إبوهم عشان
يحصلون على الجنسيه والإ يطلقون إمهم
ترى وايد من ريايلهم منهم ::المهندس والطبيب
والدكتور بالجامعه والمدرس
وفيهم الصالح وفيهم الطالح
أنا ما أدافع عنهم ....بس أعتقد هذى من حقوقهم
أنا ما أدافع عنهم ....بس أعتقد هذى من حقوقهم
الحين هم الأحق بالجنسيه والإ باللى بالكشف...؟؟؟؟
مع إحترامى للجميع
بس أكو أحقيه.......عيال بناتنا أولى
وما يحك ظهيرك الا ظفيرك
*******
وبعدين هذا هذال من سكان الكويت الدائمين
وبعدين هذا هذال من سكان الكويت الدائمين
والا من هواة التنقل بين الأقطار المجاوره...؟؟؟؟؟
اللى يشوفه منكم.... أو يدرى إنه مقيم دائم بالكويت
يدز لى إيميل.....أبى أشوفه وأتعرف عليه
يدز لى إيميل.....أبى أشوفه وأتعرف عليه
وأسئله منهو واسطته القويه...؟؟؟؟؟
يمكن أحتاجه بالمستقبل ...؟؟؟؟؟؟؟؟
يسويها البخت
26 comments:
كتبت هذا التعليق في مدونة العزيز الحلم الجميل
http://7ilm.blogspot.com/2008/01/blog-post_02.html
وأعيده الآن لتعميم الفائدة وعلشان يعرف المتابعون ليش الاعتراض على التجنيس بهئه الطريقة !!
====
القصد من ذكر الأسماء اثبات ان التجنيس تم بطرق غير طبيعية مثل الواسطات والمعارف ويمكن حتى الرشاوي !!
لا يعقل ان يكون أصحاب مثل هذه الأسماء ناس لهم أدنى علاقة بالكويت والكويتيين ، لسبب بسيط ان الكويتيين على مدى ٣٥٠ عام لم يتسموا بهذه الأسماء !!
=====
تحياتي ...
انا اقول حياج عندي وانا اطيب خاطرج
متعب الهذال هو شيخ مشايخ قبيلة عنزة
متزوجه غير كويتي يتجنسون عيالها معناته ان نجنس السورس والمصري والهندي والافغاني الي تبي غير كويتي المفروض راضيه بجنسيته وديرته واهله مو تتزوج وبعدين تكفون جنسوا ريلي البنغالي
لا لا انا كلش مو معاج بنت الشامية
معلش اللي تزوجت غير كويتي
تزوجت انسان من ديرة والمفروض تلحقة وتعيش معاه وين ما يعيش
هذي حياتها اللي اختارتها
وترى نفس الشيء
اذا مو عاجبكم خشم وحزام وهذال وما ادري منو
ترى وااااااااااااايد كويتيات متزوجين
من مطشر وعطشان و مرسي و همشاد
خو اذا حطوا القانون بيتطبق على الكل والالعن انه بيستمر
يعني تجنيس البدون ممكن يحل مشكلة ونخلص منها بس ما اعتقد عقب 30 سنة
بيكون عندنا 100 الف بدون يديد
بس اذا طبقوا الجنسية لاولاد الكويتية
اولا نص بناتنا على طريف
كلمتين من طقة ما احلاكي شو زرييييييفه واتلاقينها متزوجته
والمسالة بتزيييييييييييييد ماراح تنقص
ثانيا
انا صعبة جدااااااااا اثق بواحد يترك بنت ديرته بالذات المصري واللبناني والسوري ويحب كويتية
اكيد في استثناء بس الغالبية تبي تعيش على اكتاف الكويتية وحكومتها
لا لا خلينا جذيه ابرك
check my blog
اقووووووووول ترا طباخ ياركم الوزير خذا الجنسيه
احم احم
صباااااااااااحج ورد
كل عام و انتي بخيييييير
انشاء الله يارب تكون سنه سعيده عليج انتي و اهلج و الغالين يارب
ترا فكرت في الموضوع الي نصحتيني فيه
و سويت نفسي خووش ام يعني
و رحت قلت له ضروري امريكا؟؟
اي عاد مو مرة وحده اوافق
صبحك الله بالخير
نستي تحطيين قوقة بعد و قطب ما بقى احد عوير و زوير ؟
والله انك صاجة بناتة اولى ياخذون عيالهم الجنسية الكويتية بس شتقوليين مالهم حظ مقروديين لازم تطلق و لا يموت هالريل علشان تستحق شنو احقر من هالقانون بس قطب دكتور الولادة و اكو 1000 غيرة بالكويت ولا قوقة يعل ماكو قوقة الي بس يسب الكويت و الكويتيين ومالة ولاء 1% ؟
بس الحظ قصر معاهم
ولي يقولك وين الهذال فملي شنو تعطينة :))
الابناء تابعين لأبوهم أيا كانت جنسيته و إذا اهيا خذته بمحض ارادتها لازم على الاقل تكون حاطة بالاعتبار ان العيال يتبعون ابوهم إلا اذا توفى او طلقها اهني بعد لاحول و لا قوة الا بالله بس يجنسونهم و ابوهم عايش ما تدش العقل الصراحة
و هم انا معاج اللي يقرى الاسامي يتحسر على الهوية الكويتية و شلون بدت تطفي شوي شوي و الله يستر
bo bader:
صح لسانك
العرزاله:
ما قصرت
طول الليل ما نمت من الحره
BoHSaiN:
من سكان الكويت...؟؟؟؟
jahra.arwp.net:
ليش تاخذها بالحده جذي
وسع صدرك ترى يمكن تكون بنت يرانكم او اخت صديقك او اختى او صديقتى
تراهم كويتيات
ترى لهم حق بديرتهم
ترنا كلنا سواسيه امام الله والقانون
ليش البنى ادم يفرق بين الناس
الله لا يحطنه محطهم
vancouver:
شفيج الله يهداج فانكوفر تراهم خوتنا وصديقاتنا ومن اهلنا
=====
حبيبتى اولا انا مو مع تجنيس عيالهم
بس اذا كان التجنيس بهذه الصوره
طبعا لا عيال بناتنا احق
ليش هذول عندهم واسطه قويه تجنسوا وعيال بناتنا ينقطون يالشارع...؟؟؟؟
اعتقد انج ما ترضينها لهم
عيال اليهوديه يتبعونها يالديانه والجنسيه تلقائيا...لان الام هى الاساس بتعليم الاطفال الديانه اليهوديه وحب الارض
واعتقد بناتنا احسن بوايد من اليهوديه
يعنى مثلا محمد قوقه....ليش ياخذ الجنسيه.....تراه مليونير ومو محتاج الجنسيه ابد....اللى محتاجه ترا الجواز الكويتى لان اذا سافر مع مديرته ما يبى يوقف بلاين بجنسيات اخرى ...يبى يوقف بلاين دول الخليج
وللفيزا لسهولة اسخراجها له
وباجر بيطلع من صالة التشريفات بعد
مو حرام يعطون هذا الجنسيه ويحرمون عيال بناتنا...؟؟؟؟ا
او لان واسطته قويه الاخ الرئيس يركض له وعلشان يزيد له من ارباح شركاته
شفتى هذا الظلم بعينه وعلمه
نبى العدل ....نبى العدل
لو مطبقين العدل باعطاء الجنسيه
انا معاج ما نعطي عيالهم الجنسيه
بس ناس ما عاشوا بالكويت ولا تربوا بارضها
سيدا اعطيهم الجنسيه ليش...؟؟؟؟
كلنا سواسيه امام الله
واذا يبون يحلون مشكله البدون ليش بتجنيسهم...؟؟؟؟؟
عطوهم اقامه دائمه ووظفوهم ودرسوا عيالهم وطببوهم.....لازم نعطيهم حقوقهم الانسانيه كامله....بس ما اجنسهم
وازيد من اعباء الدوله
ترى جنسيتنا تكلف الدوله وايد
بيت ووظيفه دائمه وراتب عالى وقرض
ومساعدات ماليه.....الخ...الخ
وبعدين .......ينتخبون ويترشحون
لا بس كافى اللى عندنا يزيد ويكفى
والله يحفظ الجميع
++++==
متى بتين الكويت...؟؟؟؟؟
او بالاصح انت بالكويت الحين...؟؟؟؟
دمتى بحب وسلام
Eng_Q8:
ان شاء الله
lawyer:
اقول اليوم صباح ورد....اثاريج طلعتى من القمقم....يله كسري هالقمقم ترى قمتنا....نبى نشوفج ونقرالج وتفرفشينا
على طول
====
وبعدين ما عليكم من ولد يرانا مو وزير ويسوي اللى يبيه
احنا راضين...هههههه
لا يقولون ما عطوه شوقوا ورقته
مسكين وزير وما عنده واسطه
وانت طول عمرج خوش بنت وخوش ام
خليه ينطلق
لا تقاطعينا
bass:
هلا بالطش والرش....صباحج ورد
انا مو قاثنى من الكشف كله الا قوقه
لا تزيدينى هم وغم
واللى يحر هو ما يبى الجنسيه ...اللى يبه الجواز و بس
خنشوف عاد الولاء حقنا وحق الكويت
و الا بس ولائه حق المشغلينه...؟؟؟؟
وحق اللى ركضوا له بس....؟؟؟؟
والله حاله
سدرة العشـــاق:
هذا اللى قصدته..... بدام ماكو عدل باعطاء الجنسيه.....عيال بناتنا احق فيها
bass:
اسفه نسيت ما كملت
اللى يقول عنه ما له الا طيبت الخاطر
بس معلومات كامله
عدل عيال الكويتيه احق لكن بعد وفق اليه معينه
اما شرط الطلاق !!
كثير من الكويتيات مطلقات على الورق فقط حتى يحصل ابنائهن على الجنسية وهن حقيقة يعشن مع ازواجهن
لا توجه ولا رؤية واضحة لبند التجنيس..جنس على حسب واسطتك فقط لا غير
ديره مهيهية
بو حامد:
اذا كانت الجنسيه تمنح على هوى الواسطه
وقوة صاحبها
اهنى عيال بناتنا احق
بس اكيد تحت اليه معينه
Krakatoa:
صح لسانك
عنده قصر في سويسرا ... و ياخذ فلوس من كل شيوخ الخليج العنوز
اهو بالأساس عراقي
و من ربع داحس و الغبراء
بنت الشامية:
انا عمتي زوجها سعودي بس اقول الحق لو على نفسي
Krakatoa :
لا توجه ولا رؤية واضحة لبند التجنيس..جنس على حسب واسطتك فقط لا غير
نعم القاونو قال 2000 والقصد منه انهاء مشكلة البدون لكن في الحقيقه البدون ماستفادوا شي منه
اهي مو واقفه على التجنيس الديره كلها مافيها رؤية واضحه
عشان جذي القانون القادم لازم يكون محدد وواضح ويقسم البدون الى شرايح مهما كان عددهم والي يستحق يتجنس والي مايستحق يكون له وجود وحقوق حاله حال اي وافد
بوصالح:
شكرا للتوضيح
بس الى الحين محد برد جبدي
ابيه داحس والغبراء
لوووول
Post a Comment