إذا أردت الـــــــراحـــــــة فعليك معرفة
مصــــــــــدر التعب فى حياتك
فقد يكون من حذاءك الذى تلبسه
أو يكون من جيبك
أو قد يكون من قلبك
أو يكون.....من بيت الداء.....معدتك
أو يكون من عيونك
ف للتعب أنواع متتعدده
أ ) التعب الجيد : فهو ردة فعل طبيعيه للجسم
إلى الراحة والهدوء
ب ) التعب السيئ : وهو إنذار لبداية انهيار الجسم
أو بداية حالة مرضية
فهو تعب عضوى يحتاج للعلاج بالادويه
أوالعقاقير أوالمهدئات أوالمقويات,,, أوالنوم
ج ) التعب النفسي : وهو أخطر أنواع التعب
فالإنسان لايستطيع أن يعيش منفصلا عن مجتمعه
الخارجي......فلذا نجده يقع تحت تأثير
ضغوطه......فهناك
ضغط الأسرة...و ضغط العمل
و الضغوط العاطفيه...و الضغوط الماليه
والضغوط الإجتماعية
فكيف نعرف مصادر التعب...؟؟؟؟
إذاً علينا أن نبحث عن هذه المتاعب فى حياتنا
ونفتش عنها لنصل إلى الراحه المنشوده
ونرتاح.....ونعرف الذى يتعبنا فنبتعد عنه
فقد يكون الحذاء أو يكون الجيب
أو القلـــــــــــــــــــــــــــــب.....أه .... من هالقلب
اللى متعبنا ومتعب الناس ويانا
أو صداع الرأس
فماذا يتعبك فى حياتك...؟؟؟؟؟
فماذا يتعبك فى حياتك...؟؟؟؟؟
أو
من الذى يسيطر على حياتك فيتعبها ...؟؟؟؟
من الذى يسيطر على حياتك فيتعبها ...؟؟؟؟
29 comments:
اللى متعبنى وعافسى حياتى فوق وتحت
حبى الشديد لعائلتى الصغيره...هم محورها
وساعات احس انى خانقتهم من كثرة هالحب
فاحاول الابتعاد قليلا عنهم
بس ترد حليمه الى عادتها القديمه
ولكنى فى طريق للشفاء من هذا الحب بعد نقاش وحوار طويل معهم فاقتنعت و بديت اتلهى عنهم بالرياضه وبالنت....النت بدا ياخذ الكثير من وقتى....والامن مستبت عندنا بالبيت
الحين .......مع انى لازلت اقول لهم انى مو تعبانه بحياتى معاكم بل سعيده فيكم
والله يا بنت الشامية شاللى متعبنه غير الاهتمام
مشكلتي احط حيلى بكل شى
شغلى وارد بيتي
واحتر اذا ما طلع الشى مثل ما ابى
ولكن الواحد يحاول يلهي ويفرغ اللى فيه بالرياضة او اى نشاط ثاني
والباجي على ربج
والحمدالله على كل حال
:)
الجامعه الله ياخذها
قلبي
اللي متعبني خوفي الدايم على الكويت من أعداء الداخل
يتعبني التخلف
صداع الراس
وتخلف الطالب
عاد الحذاء على قولتج يسبب تعب فضيع.
انا احذيتي اختارهم بعنايه و وايد ينقطون
لان البسهم جم يوم واحس بالتعب
ريولي فيها خلل (:
الله يعينج
يا خارجه من باب الحمام
وكل خد..عليه خوخه
خوخه خوخه خوخه
ميشيتي حفيه وخدتي زكااام
ولافه راااسك م ... الدوووخه
دوخه دوخه دووووخه
فمالله
الضغط مرتفع والسبب
كثرة الضغوطات
لكن السؤال
السكر شنو اللي يخليه يرتفع
واللي نشوفه أغلبه مُــر
خالي من السكر
!!!
ما أقول إلا
دمتم بحب وود واستقرار
iL NefaaaQ
iL 7ub
وااااااي لآ أخيتي الغالية
والله كأنج اتكلمين بلساني :( يعني بالمفتشي المختصر حبي من النوع الخانوقي الله يجيرج :( يعني من كثر ما احرص على راحتهم أحسهم ازهقوا ..عاد اتصدقين سويت لي جدول بس عشان أصد اشوي عنهم و لا اغثهم .. اشتركت بكلاس يوغا وخط عربي وسباحه ومادري شسوي بعمري وشكلي باخذ ريكي :( عنز بدو طاحت في مريس كريتهم مره وحده :) الله يعيني ليسافر عين السيح :( فجأته اهم شي إنه مستانس ليش بيسافر برا !! اكيد بيفتك من حنتي :)
المهم وايد طحست عليج
اللي متعبني قلبي واااايد حار ودي بقلب فاهي وبارد جوووووود اهيع اشوي وأكيد بعد متعبني خوفي وحرصي على اسرتي الصغيره :)اي نسيت اللي يتعبني حييييييييييييل مررررررره
الكـــذب
صج صج ما اقدر اتحمله
********
الله يخليج لعايلتج ويخلي عايلتج لج وعساكم بصحة وستر وعسى ايامكم دوم أفراح آمين
ماقدرت احدد نوع التعب لان من كل بستان اسمالله علي ماخذة وردة
انتظار الوظيفة تعب نفسي
القلق من فقدان اشخاص قريبة تعب نفسي
حبي الشديد لتغير كل شي عندي من اجهزة واثاث وااااايد مسببتلي هالسالفة ارق
بووست جمييييل شكرا
1
اخلاق الناس بالشارع
2
جيوب انفيه
المحاتاة
كل شي قمت احاتيه
الاهل الشغل المستقبل الديرة
متعبنى انى احب الصبور بس ما اعرف اكله
Mishari:
ونعم بالله
Q8i_Blogger:
ايام وتعدى....توكل على ربك
lawyer:
سويله عملية جراحيه
فتى الجبل:
الخير بقبول....ان شاء الله
Barrak:
كل شيئ له حل الا التخلف
Talal:
الصداع له حل بس التخلف....شبسوى فيه
يعقووبوو:
الحذاء المريح هو الراحه بعينها وعلمها
اجار الدين كشمش:
ما عرفت المتعبك...الزكام او الخد ,,, او الخوخه....والا الدوخه
كلهم حلهم عند الدختر
sologa-bologa:
ما تدرى ان الضغط والسكر ربع وايد
ما يتفارقون...ولا يقدر اى وحد يعيش بعيد عن الثانى
سلامات
What Will Be , Will Be
النفاق من صفات الكافر..والعياذ بالله
الله يعيج وايد المنافقين بهالدنيا
أم الثـوب النـَشـِلْ:
امى كله تقول لى يزا الوالدين الجنه
والله كريم....لازم نفج عنهم وايد مو شويه...اوصى نفسي قبلج...جوذد ينفع
عالية:
حرام عليج رحمى قلبج
الدنيا ما تسوى اخف قلبج ما يتحمل كل هالتعب
SolaimaN:
تعب الجيوب امره يهون من اخلاق الناس بالشارع....كلامك صح
محد يتحمل احد هالايام
عثماني:
اخوى اذا ما تحاتى ما تصير كويتى
لوووول
على نفسها جنت براقش:
ههههههههه ياريت بس هذا التعب...؟؟؟
عيالى يحبون الصبور والميد
اشيل الشوك لهم ما يون الا وهو جاهز للاكل...وياكلونه بالعافيه
Love is my problem!
etha legaitay 7ob 7ayatich w tawam ro7ich bs emta3bich wayd.. et'hdina wila tkamleen ma3a?
الي متعبني هالديره كل يوم الصبح وانا قاعد اشرب قهوتي وادخن سيجارتي واقرى الجريده اتعب من القهر الي اشوفه بالجرايد حتى لو مافي شي بالساحه السياسيه اتعب لما اشوف اخبار المخدرات والسرقه والخطف
وكل ما اقول طاف اشوف شي غلط باي مكان وارد حق سيجارتي وقهوتي واشكي الحل
والشي الثاني ان روما خوش فرق بس لي الحين مو راضين يفوزون بالدوري ولا دوري الابطال ولا راضين يشترون لاعبين
والشي الثالث وحده ساكنه عندكم مع ان مرت 4 سنوات من الفراق بس هم متعبتني والسلام ختام
مسااء الورد
بنت الشااميه
مشكلتى فى قلبيييي
:/
مشكل مشكل
مو مرسينى على برررر
وصرراع بين القلب والعقل
حرب وضرب
والبقاء للاقوى
مره هذا يغلب ومره ذاك
:))
تسلم ايدج
:*
W:
هذا مقدور عليه
الباب اللى ايي منه الريح سده واستريح
واتمنى ان نجدى الراحه
Eng_Q8:
الله يكون بعونك هذا من حبك للديره
ان شاء الله ما كو الا العافيه
عيل شقول انا عن خسارة الفريق الانجليزى....وما راح يدش كاس اوروبا
عاد هذا يصير.....ما كو انجليز
واما الموضوع الثالث
كل شيئ مع الايام يندمل الجرح...بس الدنيا تبى صبر......الله يعينك
charisma:
االتعادل .....زين
العقل يطير فرص
والقلب....ساعات يخوره
الله يكون بالعون
elli emta3bni ohwa ray el nas feni :\
مو الشرهه على هالمدرب والا شكو ما يلعب بيكهام
اقول شجعي ايطاليا وياي احسنلج
لان المدرب ضيع جيل كامل
Glass Fabric:
المثل يقول
امشي عدل .....يحتار عدوك فيك
خليهم يحتارون....؟؟؟؟
Eng_Q8
فى بيتنا ما كو اختيارات.....استعمار
انجليزي...واحكام عرفيه
لوووول
Post a Comment