هالايام وايد أسمعهم يروحون العمرة
مع الجمعيات
اللى أعرفه إن للجمعيه نشاط إقتصادى
وإجتماعى وثقافى ودينى للمنطقة
فهل رحلة العمره تدخل من ضمن
النشاط الاجتماعى أو الديني...؟؟؟
قانون الجمعيه التعاونى نظام إشتراكى بحت
قانون الجمعيه التعاونى نظام إشتراكى بحت
قائم على مساعدة الإسرالمحتاجه
ودعم أفرادها.. من تعليم..وطبابه
ومساعدات ماليه
وتوفير الخدمات للمنطقه
العمره تدخل ضمن أي نشاط للجمعيه..؟؟؟؟
أول ما بدت الجمعيات تنظم رحلات
العمرة سووها
للإسر المحتاجه ولكبار السن
تكريما من المنطقة لمساهمينها
بس الحين أعتقد توسعت العمليه وايد
صار القادر ينافس الفقير ويداحره
صار القادر ينافس الفقير ويداحره
وياخذ حقه منه
أول يروحون مع الجمعيه بسكات
وهم قاطين رووسهم
الحين يروحون
ولاجنه فيها شيئ
عادى كأنه حق مكتسب
يمكن أنا غلطانه
بس اللى اشوفه إنها حرام بإن أعتمر
يمكن أنا غلطانه
بس اللى اشوفه إنها حرام بإن أعتمر
بفلوس الجمعيه....أدرى إنهم يدفعون
سعر رمزى للجمعيه
علشان بس يحللونها شويه
سؤالى الحين هل رحلة العمره اللى
سعر رمزى للجمعيه
علشان بس يحللونها شويه
سؤالى الحين هل رحلة العمره اللى
تسويها الجمعيه هل تجوز للقادر ماليا..؟؟؟
على من تنطبق شروط العمره
على الجميع أو على الغير قادر فقط...؟؟؟
أبى تفيدونى عن هالموضوع
أبى تفيدونى عن هالموضوع
34 comments:
صباح الخير يالغالية
بالنسبة لسؤالج حبوبة ما اقدر افتي حلال والا حرام .. لكن اقدر اقولج المسألة مسألة حس وذوق وسنع من قبل القادرين والمستطعين ماديا .. بمعنى إنه دام الجمعية موفرة رحلات العمرة بسعر رمزي المفروض إنهم يخجلون إشوي ولا يداحرون الأوادم ويعطون فرصة للي غير قادر على تكاليف العمره من الإستفادة من عروض الجمعية .. لكن شتقولين بربيعنا ؟؟ إنفوس دنعه اللهم ياكافي.. بعدين صج المفروض من الجمعية تحدد وتقيد ان المستفيد من هالعروض بس الأسر المتعففة والمحتاجه فقط
ما قلت لج من قبل دايما مواضيعج متميزه الله لا يحرمنا منج :)ا
في ذكرى ولادة الدستور
يدعوكم المنبر الديمقراطي الكويتي لحضور المهرجان الخطابي بعنوان:
( يوم الدستور )
يوم الأحد ١١-١١ الساعة ٧:١٥ مساء
بديوان النيباري بالضاحية
بمشاركة كل من:
عبدالله الرومي
أحمد المليفي
عدنان عبدالصمد
أحمد الديين
د.دلال الزبن
خالد الخالد
عبدالكريم حيدر
=====
حضوركم مهم
مشاركتكم واجب وطني
ما فيها شىء
لانه يجوز انه الشخص يدفع تكاليف اخر ليعتمر عنه
انت تفكرين بالحج
لان الحج ما يجوز إلا للمقتدر
انا في بالي هالموضوع من زمان
لما شفت الجمعيات تنظم هالرحلات
وللأسف الواسطه تدخل فيها بشكل كبير
في ناس تروح كل سنه لان عندهم واسطه
اعتقد المفروض تكاليف جميع نشاطات الجمعيات
لازم تتوزع على المساهمين بالتساوي
لان من الصعب السيطره على هالانشطه
انا عن نفسي الحمدلله مافكرت في يوم اني اروح عن طريق الجمعيات التعاونيه
ولا عن طريق جمعيات النفع العام ولا النقابات
لا للعمره ولا الى رحلات سياحيه
كل سنه اروح للعمره في شهر رمضان بسيارتي وآخذ والوالده واللي يبي يروح معاي من الاهل
اكسب اجر والرحله ماتكلف شي
فتحتي خوش موضوع واهنيج عليه
صحيح لازم يحال الامر الى من يستطيع الفتوى
مع انج تقريبا فتيتي
:)
لا وموضوعج هذا يجرنا لمواضيع اخرى
مثل تاجير الشاليهات والمنتزهات وغيره
انا ما اقول الا ننطر جواب الشرع بالاول
بعدين شوفي الصدفة
يوم الثلاثاء الي طاف واحد سال رجل دين جدامي عن جواز الذهاب للعمرة عن طريق جمعية هو مو تابع لها وان مجلس الادارة لديه الصلاحية في توزيع عشرين مقعد حسب معرفته وعن طريق اعضاء المجلس
والجواب كان اذا كان الامر من ضمن صلاحياتهم قانونا فلا اشكال فيه
ويعطيج العافية
اللى ينطبق على الجمعيات التعاونيه بعد ينطبق على جمعيات النفع العام ومثلا النقابات بعد تسوى هالشى وهالرحلات مثل جمعيه المعلمين وجمعيه المهندسين ونقابات العمل المختلفه وبالنسبه للجمعيات ترى فى تحديد والمفترض وحسب الشروط ان اللى سافر هالسنه السنه اللى وراها مايروح وجذى وبيدفع مبلغ والباقى يكون خصم للمجموعه تتحمله الجمعيات
ما اشوف انها حرام وقيسى عليها الرحلات الاخرى والنشاطات
لكن الحج اهو اللى مايصير لانه فرض على المقتدر ويدفع من فلوسه
وبس
عزيزتى شيكى ايملج من فضلك
فى حفظ الرحمن
السلام عليكم
اختي بنت الشامية ايبلج من الاخر
اغلب مجالس ادارات الجمعيات من المطاوعة
فاهم تلقينهم سألوا مشايخ واكيد هالشى ما فيه مانع
لان الكل قادر اصلا الحين يروح العمرة وما اعتقد بالكويت خصوصا ان محد ماديا ما يقدر يروح
يمكن مثل ما تفضلوا الاخوان والخوات الحج اللى والله العالم ما يصير
يعطيج العافية على حرصج
:)
وانا عندي هم استفسار ثاني يدور بمخي من زمان
هالاعلانات اللي تنزل بالجرايد تهنئه بحصول فلان على هالمنصب والا ذاك
والاعلانات بتوقيع الجمعيه الفلانية والا الجمعيه العلانية
من فلوس ابوهم؟
بكيفهم يستعملون فلوس الجمعيه عشان يهنون واحد صار مدير بهيئه حكوميه ومالها شغل بالجمعيات؟
لا ويكونون رازين صورهم مع صورة اللي مهنينه
والله حاله
ام ثوب النشل:
نورتى مدونتى...واهلا وسهلا فيج
العمرة هالايام مكلفه...وفى مناطقنا ناس ما يقدرون يروحون العمرة
اكو ارامل... وطلقات واللى يعيل امه وابوه وخواته....اذا وفرت الجمعيه لهم هالرحلة خير وبركه
بس اللى صاير الحين يسافرون كل مكان صيف وشتا ويركبون درجه الاولى والبزنز
واذا صارت العمره راحوا على حساب الجمعيه....هذا يجوز..؟؟؟؟
والمحتاجين ما يرحون لانهم ما عندهم احد يدافع لهم عند مجلس الاداره
يكفى الخنقه اللى صارت الاسبوع الفات فى الطيارة القادمه من جده
هذا اكبر دليل على الفوضى والتسيب
مشكوره وحياج الله
forzaq8:
شدعوه عاد سويتنى جذى
ما اعرف الفرق بين العمره والحج
انا اللى قصدته القادر يوخر و يخلى الفرصه للمحتاج والمحتاجين وايد لان العمرة صارت تكلف هالايام
واكو شياب وعيايز ما يقدرون يروحون بروحهم يبون عوين لهم والجمعيه ما تقصر
عطتهم هالفرصه
وجهة نظرى من الناحيه الاجتماعيه البحته
كويتى:
بارك الله فيك عسى الله يكثر من امثالك
هذول الكويتيين الصج
الناس مخابر
والله ياجرك بقومتك باميمتك
حياك الله
bo bader:
شكرا ..احاول الحضور
فريج سعود:
انا ما فتحت كل المواضيع
قلت اركز على العمرة بس
لان وايد ما يقدرون يروحون لانها غاليه عليهم ...وصعبه بنفس الوقت
وبعدين رجل الدين جاوب على قدر السؤال بالظبط ما حاول يشرح ويوضح اكثر
لانه مايبى يفتى
وبعدين قانون الجمعيات.... تعاونى
لاهل المنطقه
ويستقطعون جزء من الارباح للصرف على المنطقه..للمساجد والاعانات الانسانيه للاسر المحتاجه المتعففه..وللمدارس
والمستوصفات...ومنها هالايام رحلة العمره...مثلا احنا بالشاميه خو ما يصير يعطونها حق وزير الداخليه واهله
والا حق وزير النفط السابق او حق الخرافى....كلهم ناس مقتدره ومو محتاجه
فالاحق بهالرحله الاسر المتعففه
موالاسر اللى تسافر شتا وصيف ويروحون العمرة اكثر من مرتين بالسنه
ويداحرون المحتاج
ك
nadeyah:
الجمعيات التعاونيه تختلف عن جمعيات النفع العام
لان لها قانونها الخاص بها....والقانون التعاونى وهو قانون قديم ماخوذ من النظم الاشتراكيه بالسابق
وطبقوه بالكويت وهو نظام ناجح بس هلايام بدا اعضاء مجالس ادارات الجمعيات يغيرون من محتواه
و كل اسره لها الحق بان تساهم بجمعيه منطقتها...وتاخذ ارباح على مشترياتها اخر السنه...وتستفيد من المزايا اللى تقدمها الجمعيه
اما قانون جمعيات النفع العام تختلف عنها...لان اعضاءها من نفس المهنه
مو اى واحد يقدر ينتسب لها
Mishari:
طبعا لمصالحهم الانتخابيه
يمكن غيروا بقانون الجمعيات وسووا قانون على كيف كيفهم
او فسروا القانون على كيفهم
وانا مع رحلة العمرة بس للمحتاجين والاسر المتعففه
ومن قالك ان ما كو محتاجين بالكويت...؟؟؟
انت شفت اسعار الفنادق بمكه تكسر ظهر الفقير والمحتاج
تعال الشاميه وانا اوريك الاسر المتعففه....وانت تلفت بس بمنطقتك وشوف
العمرة مكلفه جدا هالايام
*****
بعدين الله يهداك مشارى
ما اعرف افرق بين شروط العمره والحج
مو انت اللى يطوفك هالملاحظه
حياك الله
العرزاله:
وان وياك مع تسالك
الشغل كله بيد الشؤون
اللي يضحك
جمال العمر كان راعي مسابقة تحفيظ قرآن تبع جمعية السرة .
ليش ماتقولين انها خدمه اجتماعيه من الجمعيه
جمعيات الكويت خراطه بخراطه..أي بصريح العبارة خربوطة
و سالفة العمره معاهم هي فقط للتنافس مع الجمعيات الأخرى اي ان النشاط لا هو اجتماعي ولا هو ديني
مجرد تنافس و ماركيتنج على حساب المساهمين
انا ولا مرة استفد من جمعيتنا اللي ما فيها معجون طمام او خيشة بصل
اهم شي ان للحين جمعيتنا ما وصلها اختراع الكي نت و كل الكاشيرية ملتحين..والفضل يعود لمجلس الإدارة الحرامي
....
ولكن سؤال عزيزتي المدونة
ليش جمعية الشامية صارت مرينا مول مصغر..من هب و دب قام يتفرفر فيها ؟
بصراحة اول مرة اشوف ناس تروح الجمعية عشان تغازل....
اتمنى انج تكتبين بوست تشرحين فيه هالظاهرة اللي تفشل
الله يهداج الجمعيات صارت شركات وتنافس التجار بعد
أي مساعدة للأسر الفقيرة؟
وينها هالمساعدة؟
ما نشوف شي حتى الأرباح ما يوزعون منها شي معتبر
المفروض الأرباح تصرف لتحسين أحوال المنطقة وسكانها
واحنا ما شفنا أي شي من كل هذا
واجابة سؤالج تحتاج شخص متخصص
الي اعرفه ان البنك الوطني اهو يدعم عمرة جمعيه الشاميه
وبعدين عمررررررررررررة جمعيه الشاميه نص الي فيهااااااا
سكااان شويخ
و كلها شوووووو اف
و الحاله حاله
طق مطاقق و قرعه
رحله جمعيه الشاميه للعمرة
تقوليييييين
مشاااااااعر
مو جمعيه
اما الفتوى
فسل اهل الذكر
رجاء لا تنبهوووووووون
جمعيتنا !!ء
احنا كل رحلات جمعيتنا
بالصيف الي ام الخليج
دبي
ما علينا منكم
وطبعا دبي حلااااال
بلاااال
الا جان حرام
من .. باب ستالينغراد ..
المساهمين مالهم شغل
!!!!ء
اهم وذمتهم ..انا سألت
الي تسير الضحى عند امي
سبيجوا تويوتا
ش .. صقطه بدبي
ردت علي .. اسكت اسكت بس
لا تفتح لنا باب
انا وخواتي واليهال وربيعنا نروح حق
الثلج ونصور
ولا ردوا الكويتين الجخ
امهات بوز !!ء
قلنا لهم هذي صورنا
بالنمسا وزلمسي
شششششوف اجاروا والله
ان فتنت علينا لا اكسر
بستوق اجاركم
لااااااااااا تفتن
انزين انزين انزين
الله يونسكم بالعافيه
حمد:
الاخ له طاقات جبارة.... يبي يطلعها
حطها بالجمعية
حمودى:
لمن...؟؟؟؟؟
عتيج الصوف:
لا تراك غلطان
قانون الجمعيات التعاونيه قانون ممتاز
وتساهم الجمعيه بالصرف على المنطقه بجزء من الارباح
وقد ساهمت الجمعيات التعاونيه بفرش المدارس وتركيب المكيفات لها...وتزويدها بالما البارد
وكذلك المساجد...والحدائق..وغيرها من الخدمات الخاصة بالمنطقه
واللى اعرفه عن جمعيتنا انها تقدم المساعدات لاسر كثيره وتمدها بمستلزماتها الاوليه...من الغذاء
يعنى جمعيتنا مو مقصره
بس جمعيتكم ليش ما فيها شيئ...؟؟؟
مو معقول.....!!!!!ء
*****
المول قصته قصه
مانقدر نسوي شيئ...اصحاب المطاعم كلهم هوامير كبار...هم سبب البلى
لاتثير احزانى الله يخليك
فتى الجبل:
اناا اتكلم عن جمعيتنا وهى ما تقصر بالخدمات لمنطقتنا
وارباحنا معتبره تونس
ماادرى عن جمعياتكم...؟؟؟؟
بعدين ليش اسئل متخصص
استفتى قلبك...وتعرف الجواب
الله عرفووه بالعقل...فنفكر ونتوصل الى الصح
lawyer :
اااااخ منج كله تطلعين اوشااااعت عن اهل شويخ... القرقيعان...طوفناه لج
بس عاد عمرة جمعيتنا...لا لا لا
قويه عاد مشاعر
بس اول مرة ادرى ان البنك الوطنى يدعم الجمعية للعمرة
ان شاء الله باجر يطيحون قروضنا
لوووول
لوير ليش اسئل اهل لذكر الحلال بين
والحرام بين...واستفتى قلبك
وما كو الا العافيه
اجار الدين :
اى جمعيه هذى
والله كشخه عاد دبى ولا عنه
سجلونا وياكم الله يخليك
وسلم على رفيجة امك
بصراحة حلال وإلا حرام ما يهمني
بس اللي مزعجني الزحمة اللي يسونها بالمطار
تخيلي منطقة كاملة توصل المعتمرين وترد تستقبلهم بالمطار
بنت الشامية
لما الجمعية تحجز تحجز عدد كبير من الغرف فيوصل سعر الليلة اقل بكثير
يعني لو كان دار التوحيد 80 دينار
يطلع عليهم 20 دينار تقريبا
والتذكرة نفس الطريقة لان يكونون حاجزين عدد كبير
وتأكدي ادري ما تطوف عليج وانا اخوج
:)
Fahad Al Askr:
بس المطار ...!!!! والصيحه بالطياره
لا تنساها
Mishari:
شكرا لتوضيح
هذه اول زيارة لمدونتج
و مابي افتي حلال او حرام
و اهنيج على مواضيع المدونة
Post a Comment