من عاجــــــــــــــــــل
*********
زملائي الأعزاءافيدكم علما بأن جميع حساباتي قد تعرضت للإختراق وانا حاليا غير قادر على التواصل معكم ولهذا فأن مدونة بالكويتي الفصيح ستتوقف عن العمل مؤقتاومن يرغب بمساعدتي أرجو منه أن ينشر هذا الخبر المؤسف حتى يعرف الآخرون انني لم اتوقف خوفا من احدمع الشكرعاجل
زملائي الأعزاءافيدكم علما بأن جميع حساباتي قد تعرضت للإختراق وانا حاليا غير قادر على التواصل معكم ولهذا فأن مدونة بالكويتي الفصيح ستتوقف عن العمل مؤقتاومن يرغب بمساعدتي أرجو منه أن ينشر هذا الخبر المؤسف حتى يعرف الآخرون انني لم اتوقف خوفا من احدمع الشكرعاجل
*******
الهجرة هي أن يترك شخص او جماعة من
الناس , مكان إقامتهم لينتقلوا للعيش في مكان آخر
الناس , مكان إقامتهم لينتقلوا للعيش في مكان آخر
وذلك مع نيّة البقاء في المكان الجديد لفترة طويلة
أطول من كونها زيارة أو سفر
والهجرات أنواع : منها الداخلى
ومنها الخارجى
وأسباب الهجرات مختلفه ومتغيره بحسب
الزمان والمكان والأشخاص
الزمان والمكان والأشخاص
و لكن هل فكرت مره ولو للحظات بالهجره
هل تستطيع الهجره ...؟؟؟؟
إلى أين.... ؟؟؟؟؟؟
أسبابها ...؟؟؟
ومع من تهاجر ..... ؟؟؟؟؟؟؟
أدرى وأعرف الجواب التقليدى
ليش أهاجر لله لا يغير علينا
ليش أهاجر لله لا يغير علينا
إحنا فى نعمه غيرنا حاسدنه عليها
والله لايغير علينا
اللهم أميـــــــــــــــــــــن
أبى جواب غير هالرد
وسلااااااامتكم
43 comments:
احنا مجتمعنا و تربيتنا ما فيها مجال و لو حتى بسيط ان الانسان يفكر في الهجرة و خصوصا الهجرة لتكوين النفس ماديا
و اهو بالطبع مو شي عيب بس احنا ما خبرنا هل الطريقة بالتفكير
اتوقع الكويتي يهاجر من بلده في حالة وحده
اذا حس انه لا يستطيع العيش فيها سواء لاسباب سياسية او مادية او اجتماعية و بالفعل في امثال و مشهورة في المجتمع عندنا
اما بالنسبة لي
راح اهاجر من الكويت اذا صار رئيس مجلس الوزراء اخونجي
حتى لو بالديمقراطية
و اختيار الناس
لان المجتمع الاخونجي لا استطيع ان اعيش فيه اطلاقا
اطلاقا
الله لا يقوله
ودي اهاجر من زمان
وكلمت زوجي اكثر من مرة عن الموضوع
وردة دايم بالرفض القاطع
عيالك مالهم الا ديرتهم
تعبت من النفسيات الزفت
تعبت من انكسار الكويتيين
تعبت من الاخوان
تعبت من التيار الديني
تعبت من التعب نفسه
الهجرة مو حل
الهرب مو حل
دايما رده واحد
بس فعلا ودي اهاجر
اجرب اعيش من يديد
يمكن الاقي الكويت في بلد مافيها كويتيين؟ يمكن ؟
عفوا بس مو قصدي التعميم
لكن الاحداث الاخيرة
اثرت على تقيمي
سامحوني
:(
ماودي اهاجر عن ديرتي
يمكن كلامي هذا لاني جربت العيشة برة الديرة وشفت شلون هي الحياة
ماكو احلى من اني اكون على ارضي وبين اهلي وناسي
ولكن هالشي او الكلام يمكن يتغير
اذا راح الامان في الديرة وراح عنها الاستقرار
واذا مالقينا التقدير والتشجيع الي نبيه والي نستحقة
في هالحاله راح يكون هناك كلام ثاني
بس اكيد راح نحاول بقدر المستطاع ان نظل بديرتنا
والله لا اييب اليوم الي نطلع فيه من الكويت
يعطيج العافية على الموضوع الحلو
انا عن نفسي ما فكرت أهاجر لسبب وايد مهم
اني ما أقدر أعيش بعيد عن أهلي
وخصوصاً أمي
انا فكرت اهاجر
و متفقه على موضوع الهجره
و قاعد اعد ترتيباتي لهذ الشي
يا اما اسافر جم سنه اشتغل برا و مدري متى برد
يا اما اروووووح جم سنه و ارد
انا بسافر و ادري يمكن ارد او مردي ارد
لكن قوليلي وين في مكان بيحترمني
اذا ابي ارتقى و اروح مثلا امريكا
و هل الادمي او المسلم يعامل معامله انسان
بالتالي ما استفدت شي
و المثل يقول من خرج من داره قل مقداره
لكن الوجهه الحاليه تقول كندا او استراليا
افضل الموجود
هذا راي البسيط
اذبحتنا العادات والتقاليد
مجتمعنا صار يخنق
حياتنا الاجتماعيه صارت متعبه جدا
وغير اوضاعنا الى اتبشر بالخيييير
:(
لو بيدى اهاجر جان هاجرت
بس مو بيدى
:/
الحمدالله على كل حال يا بنت الشاميه
فكرت بشكل جدى الهجرة وعندى تخرجى من الجامعة كانت الفرصة لى مواتية بسبب معدلي الجامعي وتلقيت بالفعل عرض ولكن ترددت وخفت كثيرا
وعندما تزوجت واسست اسرتي فكرت ايضا بالهجرة لعدم احساسي بوجود جو صحي بالكويت
ولكن دائما اتذكر
خيركم لاهله ان لم اساهم فى بناء من اعطانى حتى لو تعرضت للانتقاد وحتى لو تعرضت للتسفيه وحتى لو كان مجتمعى يعانى من ينقسم الى رجعية حادة
وفكر يعتقد انه متقدم باشواط والباقى متخلف دون اللجوء الى تنوير الطريق لمن يعتقد انهم (متخلفون)او لا يستطيعون التطوير
هذا الموضوع ذو شجون ولكن يظل الوطن جدا غالي
مممم
الغربه صعبه و الكل يدري بهالشي
و لكن يمكن ايي اليوم اللي ما نقدر نعيش بهالديره اللي الكل فيها قام ياكل غيره
اذا فكرت اهاجر يمكن علشان القى المكان اللي يقدرون فيه وظيفتي
بعيداً عن الواسطه و المصالح
الله يسهل ان شاءالله
و فكرة الهجره تدق في راسي بعد انهاء دراستي
مع السلامه
اهو انه وين بنلقه مثل خير ديرتنا
بس تبين الصج
واايد تيلي فكره الهجره و الابتعاااد حتى لو فتره طويلة و بعدين ارجع بس ابتعد
و السبب يمكن اكثر وقت تيلي هالفكره لمه يتصكر بويهي كل باب و احس انه همومي بلشت تكثر
ويين والله مادري بس مافكر بدوله عربيه ابي دوله ما تفهمني و لا افهمها دوله فيها طبيعه و بحر و اعيش على هالطبيعه ليما ارتاح
مع من تبين الصج ودي بروحي بس اذا كنت لازم اختار بخلي قلبي يختار الشخص
شخص قريب علي و فاهمني حيييل و يخليني اطلع كل طاقتي بدون قيود
معني احب امي و ابوي و اهلي بس ما اتوقع اخذ احد من اهلي لانه الاهل يحاتون ابي شخص يخليني اتغير و اعيش حياة غير بره
موضوع روعه يا بوقته لول
thanks alot sweetee...
salamz...
أنا ممكن أهجر الى بلدين لا ثالث لهم الى "لبنان" والى "انجلترا"..!! لأن هذين البلدين أحبهم وأيد وأعرف كيف أستمتع فيهم ..!! وأهاجر مع من أحب طبعاً ..!! أعتقد أن هذا جواب مو تقليدي ..!!؟
مافكرت اهاجر ولايمكن افكر
صحيح الاوضاع بالديره بالنازل
بس إنشالله ترجع احسن من قبل
انا حاليا ما افكر بالهجرة بس ما اظمن عمري بالمستقبل اما عن الي قاله نيو فاقولة ما اعتقد فرق وايد بين حكومة الاخونجي وحكومة الاصلاح الحالية
عبداللطيف الدعيج احد الامثلة امهاجرة
neo:
الناس تهاجر بحثا عن الديقراطيه
وانت الديمقراطيه بتخليك تهاجر
عود نفسك على استيعاب الراي الاخر
Nachla:
تهقين الهجرة فيها راحة
اخاف بعدين ينطبق عليج المثل
اقضب مينونك لايك اين منه
بنت الكويت:
الله لا ايب هذاك اليوم
تحياتى
physio-80:
وانا مثلج.....ما اقدر اعيش خارج الكويت
lawyer:
هذى مو هجره
الهجرة ما تردين ,,,,الا للزياره
وبعدين انت سافرتى وفقدناج هالمره
تهاجرين.........لالالالا
charisma:
صح حياتنا صارت متعبه
Mishari:
صح خيركم.....خيركم لاهله
وراى سديد
Mr_CHoCoLaTe:
الله يحسن الامور ان شاء الله
5roofa:
هجرتج فيها رومانسيه وايد
اخاف عليج منها
2 u ALL:
خوش ادير ....
بس المصرف من وين...؟؟؟؟
q8y8 كويتي8:
ان شاء الله ..ما كو شيئ بعيد على ربك
حمودي:
وان شاء الله ما ايي هالوقت
اشكرك
كنت عند حسن الظن
هذي مدونة المنفى
http://blkalfasih2.blogspot.com/
اهااااااااااجر اهااااااجر خير شر !!!!!!!!
و ما ارد كلش و اصير غريبه هناك و اذا رديت الكويت اصير غريبه لألألألألألألألألألألألألألألأ
مابي
عقب المخفر الي دشييييييييييته في سويسرا ظظظظظظظظظظظظظلم
ماني مهاجره
فاهمه شنو قصدي ودي اغيررررر هذي سفره بو عشر سنين و ارد
مسا الجمال كله
:)
ما عمري فكرت بهالهجره
يقيني..كل ديره فيها مساوئها
وديرتي هي عزي ولو كثرت بلاويها
باستثناء مرة وحيده فكرت بالهجره:
رمضان قبل جم سنه
حسيت انه الوقت يروح واحنا مابين دراريع وغبقات ومواجيب وناس داشه وطالعه وسوالف
وركضه ركضه
!!
وياني اتصال مريح من صديقتي تبارك لي بالشهر
اهي وريلها كويتين عايشين بالمدينه
اهو خلص الماجستير واهي تدرس بالجامعه
تقولي سبحان اللي علق قلبي بهالمكان
راحه نفسيه وروحانيه
حياتهم :
دراسه الصبح
وفطور ودروس بالحرم
طلعات بليل
تمشي بكل مكان
اتمو حفظ القرآان
وحب مشالله مشالله ..كانه مافي مثله بهالزمان
اغبطها عسى ربي يبارك لها بهجرتها
حزتها تمنيت اعيش بالمدينه
مع شخص مثله
:)
^_^
إيـه نعم فكرت أهاجر .. بس مااتوقع لو يحصل لي إني اهاجر صج !؟
لأن اهوا تمني تغيير المحيط اللي أعيش فيه .. وناس معينة بهالمحيط
وين ؟ بجزيرة مافيها أحد إلا آنه ولابتوبي ;p
واهم شي ماجلتي
مع منو ؟ لو كانت مؤقته !!!؟ مو مع أحــــد
يعني مافكرت صج بهالموضوع كلها كانت عبط ومن وحي الخيال --> لاتسئليني يعني شنو مادري هذا اللي طلع وياي ;)
مهما اتخذنا من الطريق سفرا
مهما ركبنا القطارات
وامتطينا اجنحة السماء
وعبرنا بحارا وقارات
بحثا عن الرضا والامان
لن نرتاح ولن نستقر
ان لم يكن الامان والسلام الداخلي
لا يسكنا في نفوسنا
قد نستطيع العيش بسلام
وسط الركام والصخب والزحام
ان تصالحنا مع ذواتنا
وتعايشنا مع اوضاعنا بمودة
وارتضينا بالممكن والصعب عن المستحيل
عن نفسي لا تعني لي الأمكنة شيئا
فمكاني أحمله معي أينما ذهبت وأينما رحلت فالمعني يسمو عن المادة والملموس
جربت العيش خلال الغزو خارج الكويت ولكن العيش بعيدا بلا وطن قاسي
ليس كالعيش بعيدا والوطن يقبع هناك
بالنسبة لي... لا فرق كثيرا
!إلا بفراق الأحباء
فالأمان والسلام الداخلي هما الأساس
تحياتي
انا كويتي مهاجر اعيش في #$%^ منذ 3 سنوات واعمل بها حاليا في اجازه راجع الكويت لأقضي الشهر الصيام مع امي ...لأنها ذبحتني ... اعتقد بلا تردد ان افضل اماكن الهجرة بالعالم هي : كندا استراليا نيوزلندا البرتغال فينزويلا وقد يضحك البعض لكن نيو بولونيزيا اذا تستحمل تعيش بجزيره حلوة ...
ليش هالدول ؟ الكويتي اجتماعي بطبعه وسيجد مراده في فئات من شعوب تلك الدول امريكا بالثمانينات كانت اوكي لكن حاليا شكلك ميدل ايسترن تنطق بنعال وانتوا بكرامه ...
السؤال الأهم لماذا تهاجر .؟؟
-مواضيع خاصه بالحقوق والحريات ... وهي تنقسم الى قسمين ام سيطره قطاع حكومي قمعي او سيطره تيار ديني فاسد (بالضروره- لأنه ما يصير ان ينتج تيار ديني مو فاسد والا فهو مو ديني !)
ونلاحظ وجود الموضوعين بالكويت
-مواضيع خاصة بالأمكانيات المادية وبطبيعه الحال وبصراحه مع ارتفاع الأسعار و التضخم اقدر اقول الكويت مو بيئه ثريه الا حق الطرارين و الفلاحين و اصحاب الدخول المنخفضه ... اما معاش الموظف الجامعي الكويتي ما يكفيه اسبوعين في ظل تكاليف الحياه المتصاعده ...
وهذا موجود بالكويت !
-التفاوت والتفرقه العنصريه الطائفيه و القبليه ... طبعا لو انت خريج هارفارد ومن ساير الناس ومعك موظف قبلي خريج الأردن بدون دراسه! وما شاف الجامعه اصلا يصير وكيل وزاره مساعد وانت مساعد رئيس قسم بعد 15 سنه !
وهذا موجود ايضا بالكويت !
-فساد المنظومه الأنتخابيه ولا اكو ديره قانونها يقول 30 سنه شرط الترشح ويدش برلمانها خلف دميثير واهو عمره 29!! ولا اكو ديره يقول وزير العدل باقر ان جمال العمر نجح بالرشاوي ولا يفتح تحقيق مع الوزير والنائب و تستمر الحياه عادي !!
وهذا مو موجودبالكويت ... هذا اختراع الكويت!
-عايش بديره ما فيها احد يبتسم كلش !! ما يببيلها شرح اعتقد
تدري شنو الشي الوحيد الي يمنع اغلبكم من الهجره !!
اشياء بسيطه لكن كبيره بعيونكم : ذكريات طلعه حداق ويا الربع او شطانه على اشاره او موقف انساني ...
وعشان اكون اكثر دقه ما يهاجر لأنه راح يفتقد عيال خواله و طلعاته مع عمه و نجرته مع صاحبه بالدوام و سفراته البحرين مع عيال فريجهم و
وامه تمر عليه كل ساعه بانصاص الليالي و اهو مريض و مرته زعلت منه تبي نفنوف ب600 حق عرس حفيد بنت عم يدتها .. ولا ابوه بالصاله كل يوم مناشبه بالريموت! و اخته ولدت و تبي هديتها ! وولد عمه طلق ويايه يبجي وصاحبه منبجره سيارتها وطاقلها درب الظهر ! مادري امور صغيره شخصيا احيانا افتقدها حييييييل بس استحمل لأن هالديره حلاته تمرها شهرين نقاهه لا معاملات لا عماه عين و تمشي !
ملاحظة تعليقا على تعليق الأخت استكانه تقول هاجروا للمدينه دراسه الصبح و طلعات باليل !! حلو و احب اضيف عليها قندهار و بريده سمعت عيشه ولا احلي ...
آل ايه آل دكتوراه بالمدينه! (شي يديد .. خبري كاكا يمشي بالمدينه !) عشنا و شفنا ...
عاجل:
خطاك السوء
الله يعينك
lawyer:
عيل هذى سفر للعمل
مو هجره ....انا ما عندى الا يا
ابيض او يا اسود
الرمادى معرفوشششششششش
الله يحفضج ويخليج لاهلج
نسيت ...شمدخلج المخفر بسويسرا
هذا يبيله بوست بروحه....مو تنسين
esTeKaNa:
الهجره يبيلها قرار صعب....وخصوصا
اذا كان امره مو كله بيده
وبعدين رفيجتج وزوجها يدرسون هناك
اذا خلصوا من الدراسه شبيسوون...؟؟؟
الاماكن المقدس اللى يعيش فيها
يسمونهم مجاورين
واللى يقدر الله يهنيه
وهذا المكان الوحيد اللى محد يقدر يعترض عليه
حياج الله
ReLaaaX:
يعنى ما تخمرت القكره عدل
بمكن تحتاجين اللى وقت...؟؟؟؟
اكيد ...لا
حياج الله
بصراحة اذا كانت الهجرة عشان المادة ماعتقد كويتي يسويها
بالنسبة لي ولاني وايد افكر بهالشي
العقلية المتخلفة و السخيفة بالمجتمع عندنا اهيه اللي تخليني اكش وافكر بهالشي
الواحد لما يحس نفسه مقموت و مايقدر ياخذ حريته او يفكر بحرية او يعبر عن رايه بدون اي تعليق
خصوصا ان اللي عندنا اذا كان الواحد يفكر غير عنهم يعني اهوه رايح فيها او اوا او
وتوصل السالفة للسمعة الخ
AseeL:
كتاباتج جدا رائعه
ولا استطيع ان اكون بمستوى كتاباتج
وهناك تعابير وايد عجبنى حتى رديت قراتها اكثر من خمس مرات
***
عن نفسي لا تعني لي الأمكنة شيئا
فمكاني أحمله معي أينما ذهبت وأينما رحلت فالمعني يسمو عن المادة والملموس
****
بالنسبة لي...
لا فرق كثيرا
!إلا بفراق الأحباء
فالأمان والسلام الداخلي هما الأساس
تحياتى
ModmenQ8 Letrado:
اذا الحياة فى المهجر مريحه وملاقى نفسك
ومحقق طموحاتك عليك بالف عافيه
وعسى الله يهنيك ويوفقك
حلو الواحد يتكلم عن تجربه حقيقيه
بس اكيد صادفتك صعوبات اول الوقت
بس صج انت مرتاح.......؟؟؟؟؟؟ وقرارك للهجره صحيح...؟؟؟؟
اعتقد ان الوطن ماله مثيل
بس قلبى على امميمتك الله يخليها لك ويحفظها
الله يوفقك ويحفظك من كل مكروه
وحياك الله
PearL:
طبعا القيود على الحريات احد اهم اسباب الناس الى الهجره
بس هى مساله نسبيه تختلف من شخص الى اخر.....واعتقد انها فى مجتمعنا محدوده
والواحد يقدر يتغلب عليها...فى اغلب الاوقات
الله يهدى الجميع ويزرع الحب والموده والرحمه فى قلوبهم
حياج الله
حبييييييييبتي بنت الشامية
يا ارد عليج وابجي
يا اغني وابجي ههههه
الافضل اغني ..وبتعرفين رايي اول ما اغني
عسى صوتي ييوز لج اهم شيء
:D
هههه
احم ...احم
.
.
موسيقى
.
.
.
بلادكم حلوة حلوة
بس الوطن ماله مثيل
بلادكم حلللللوة حلللللللللوة
بس الوطن مااااااله مثيل
.
.
.
لو حنا سافرنا
الشوووووووووووق يرجعنا
حب الوطن غالي
والعيشة فيه جنه
.....
ترى اكتب ودموعي تخر
بس لا تخافين مستانسة الحمدلله
:)
حافظج الرحمن
بصراحة انا عشت 17 سنة بره الكويت .. تنقلت فيها بين 4 دول ولا يوم مر علي ما تذكرت الكويت .. اهلي .. فريجنا ..شوارع الكويت .. حتى الزرع المحترق ..كل شي يطري على بالي يوميا
احساس الغربة احساس قاتل .. تحس انك معلق ما بين السما والارض .. لا انت طايل السما والا حاط ريولك على الارض
وياحلات الكويت صج ساعات مخك يصير في وضع تشغيل خطر ;) بس محد عايش براحة تامه .. ياريت الناس تخفف التحلطم اللي بدون سنع .. وياريت نحارب السلبيه في حياتنا .. واتمنى ان احنا ندور مصلحة الديره واهلها ..عسى الله لا يغير علينا الا بالاحسن والحمدلله على الخير والنعمه الف حمد وشكر
والله الفكرة موجودة
Post a Comment