مباراة مانشستر..... وريدنق

من كامرتى

من الانترنت

Manchester United 0 - 0 Reading

عزموا الشباب بيروحون مباراه فى مانشستر وحجزوا
تذاكرهم بالانترنت.... التذكره أكثر من مية باوند
طبعا اعترضت لإن السعر غالى…..شدعوة هالغلا
على مباراة……كلهم قبوا علي …..قالوا ترى إحنا
فى بريطانيا العظمى…..مو بالكويت ولازم تيين ويانا و تشوفين الفرق ….هذه تجربه
عمرج ما حضرتى مباراة إنجليزيه على الطبيعة
قمنا من الصبح يوم الأحد وأخذنا القطار إلى مانشستر
ووصلنا الملعب وأنا مو مصدقه روحى من صجى
أشوف مباراة…... بالتلفزيون ما أقدر أجابلها
هالمرة صج وفى ملعب حقه وحقيقى
أول ما دخلنا سألت ولدى كل هذا ملعب…؟؟؟؟
وكل هالناس يايين يشوفون اللعب….؟؟؟؟؟
يا حسرتى........ وين بنقعد وسط هالعالم
لصقت فيهم وأنا ولا كلمه…..أثر الكراسى بالأرقام
وكل من يقعد برقمه….لا أكو إخناق أو إعتراض
على الكراسى….. الكراسى فاخرة ومريحه
والتنظيم شيئ عجيب شلون حاكمين هالجمهور
الله يالعالم من صجى اخترعت من كثرهم
صج الإنجليز شعب يحب كرة القدم
وبدا اللعب….. وأنا عينى طايرة بس على الجمهور
طبعا جابلت الجمهور أكثر من المباراة
هم يلعبون وأنا أتحسر على ديرتى
وما أقول الإ وعلي علينا….دمروا كل شيئ
حلو بالديره….حسبى الله ونعمه الوكيل
عيزت وأنا أدور على لاعبهم اللي مرته مطربه
إصوره تااااااااارسه محطات القطارات
وعيالي يقولون لي يمااااا رااااح أمريكا
شروه ب100 مليون دولار
يااااااااااعله الضربه ولاعبينا مساكين على
معاشاتهم....ولا بعد يفصلونهم من شغلهم
إذا سافروا مع المنتخب أو راحوا معسكر للتدريب
اشلون تبون يرتفع مسسسسسسستوانا في الكره
وبس خلصت المباراة
خلال دقائق الإ وحنا خارج الإستديوم
كل شيئ سهل سلس ومنظم فى الخروج
وركبنا كبينة الدرجه الاولى للعوده إلى لندن
وانترس القطار بالمشجعين السكارى
وصار القطار ضيم وظلايم ….من صراخهم
وأغانيهم ,وهتافاتهم , لإنهم من الصبح
وهم يشربون البيره إلى أن يوصلون بيوتهم
صكوا روسنا صكه….وأنا ميته من الخوف
وأقول هذى أخرتها أركب قطار كله سكارى
وعيالى ميتين على من الضحك
كل شيئ يهون من أجل عيون الجعده
قبل لا يهدنى....... ويروح أمريكا
يوم من اجمل ايامي مع شبيبتي وسلااااااامتكم