لا تقولون إنها مسكينه....بل هى الاقوى

عندما يقدم الزوج على زواج ثانى

سواء كان سرى أو علنى
وينتشر الخبر .. .. .. أول كلمة تنقال
""" وعلي على مرته """
مسكينه ما فيها شيئ, طيبه وحليوه
وقايمه فيه وفى عياله , ما قصرت عنه
وقفت معاه , ودعمته برواتبها , وكونوا حياتهم

 إلخ .... إلخ ..... إلخ

هذا الكلام ما أحبه وما أحب أسمعه ليش لما يقدم الزوج على زواج ثانى
أو أى نزوه......نشير على أن الزوجه مقصره بحقه
على طول يصير الحكم على الزوجه

مو عليه

لازم يدورن العيب فيها .......مسكينه مو هى الضحيه
العيب...... في الزوج مو فيها
هذا ظلم بيين على الزوجات....ليش يدفعون الثمن ؟؟
أعتبر الزواج الثانى مثل القضاء يصيب الزوجات
مو لإنها مقصره فى الزوج , أو لإنها مو قايمه فيه
الزوج قرر الزواج ....فتزوج..... وإذا قرر

محد يقدر يثنيه عن رايه

مومعنى إنه قوى أو سي سيد
بل هو ضعيف جدا أمام الإغراءات و ما يقدر يصمد و لإن الشرع سمح له........ وهذا حقه
ونحن الزوجات لانعترض على الشرع
نعترض على حكم المجتمع """ فى و على """ الزوجه
ولا يقولون مسكينه زوجته
الزوج هو المسكين اللى يدور الغراده

والمشاكل حق نفسه
على قولت إخوانا المصريين
صاحب الباليين كذاب
والعدل....... صعب
ويتحمل كل اللى اييه .... يستاااااهل وسلاااااامتكم