يا جماعة الخير بسألكم و اللي يعرف بالسوق يعلمني
الهواتف باعوها ... والا بيبيعونها ....والا....لا
تصدقون صار لنا جم يوم البيت حريجه
تقولون ليش...... ؟ اعلمكم كل يوم على الغدا
نقاش حاد.................ء
بين ابو العيال مع العيال على بيعة الهواتف
الابو عنده شهاده جامعيه من كلية التجاره بالكويت
سنة ألف وحطبه وحطبتين.
يتكلم بعقلية وخبرة رجال سوق الكويت اللى عاصره منذ بدايته
والعيال يتكلمون من واقع دراسات وتحاليل اقتصاديه
وهذا يؤكد ان شركة الاستثمارات الوطنيه المملوكه
للخرافى بتبيع حصتها من الهواتف لمستثمر سعودى
والثاتى ينفى الكلام على اساس انها الشركه سوتها مره وماراح تعيدها
لان المخاطره هالمره كبيره
وصيحه مستجله....وانا بوسطهم ما لحق عليهم
وكل يوم تطور جديد وتحليل حديث
وانا ماصدقت افهم اللى قالوه امس
الا يفاجؤنى بكلام غير......صرت مالحق عليهم
انزين سولفوا عن شى ثاتى ....ماحد داير لى بال
اسالهم شصار على مجلس الامه....ماكو جواب
شصار على حرامية الناقلات....هم ماكو جواب
اذا تفضلوا وردوا علي قالوا ...يمه : ما تقرين الجرايد
بس تدرون صدتها وهى طايره !!!! اكتشفت
ان من بيدهم البلد واصحاب القرار
عرفوا يلعبونها صح
خلوا الناس تلهى بالصفقه وكل من يكسر حساباته
وشكثر ارباحهم منها ونسوا الحرامى الكبير ومن وراه
وانا مو فاهمه,,,باعوها والا ؟؟ وليش بيبيعونها ؟؟
اهى خسرانه.......والا طمع.........؟؟؟؟؟؟
اللهم لا حسد ............. اللهم لا حسد
47 comments:
الخرافي يملكون ما قيمته 20 بالمئة من الهواتف
الكلام انهم بيبيعون هواتف على عميلين
سعودي و هو الامير اللي يملك شركة المراعي
و المستثمر الآخر هو حكومة اوظبي
طحنون بن زايد
هذا الكلام اللي بالسوق ليلحين
اما السعر فهو يتراوح بين ال 7 دنانير و ال 8
الحراميه كثرو
يا بنت الشاميه
والجنوس اكثرو
والبووياات كثرو
وعبدة الشيطان كثروو
والمسايد كثرووو
واللي يخافون الله قلّو
:(
ودّي اوقف بنص الصحرا
واصرخ
يا كويت .. سامحيني
مسا الخير بنية الشامية...والله الحكي بهالسالفة تارس الديرة... وكل من قاعد يفتي فيها...ناس تقول في بيعة مثل ما قال اخوي نيو...و ناس تقول اهيه مجرد اشاعة عادية لرفع السهم...وناس تقول اصلا ماكو شي نهائيا...و الطاسة ضايعة يا اخيتي
الكل قام يبووق
لا ذمه ولا ضمير الشكوه لله
استغفر الله ما جنا وراهم حساب وعقاب
لا اتعورين قلبج معاهم
صداى احسنلج لانهم يحروون ويرفعون الضغط
والله انا كلش مالي شغل بهالمواضيع
بس هالايام قاعدة اسمع
ان الكبار قاعدين يلعبون بالسوق
واللي ماكلينها الصغار
هذا ما سمعته
والله يعينج على النجرة
عندنا وعندج خييير
المتنقله بتنفصل عن فودا فون لأن العقد الموقع بينهم انتهت مدته واللي اظن كان ثلاث سنوات من جذي الاعلان الحالي الاسود دارج ....
اما الاشاعات الحاليه تدرين لزوم الشغل في سوق الكويت للأوراق الماليه وعشان الناس اللي شروا في الاتصالات على بو فودا فون ما يبيعون ...لأن في ناس بدت تبيع والله اعلم
شفت شلون طلعت افهم بالاقتصاد بعد
;p
neo:
مشكور على هالمعلومات.
يقولون الخرافى يملكون اقل بشويه
وقالوا ماكو مستثمر بيدش
فالظاهر بيبيعون
او كل هذا اشاعة
وعوار راس....اليوم على الغدا
بحط قطن فى اذانى عشان ما اسمع شيئ
اسمك منور بالقبس اليوم
MANAF :
لو خليت ....لخربت
ان شاء الله الخيرين موجودين بكثره
بهالبلد الطيب المعطاء
بس خلنا نساعده ونعطيه من صج من
قلوبنا.....وتشوف التغير
الله يحفظ هالديره ويحميها من اشرارها
ودمت بسلام
عثمانى:
اخوى العزيز هالطاسه وين نلقها
يمكن اذا لقينها نستريح من هالدوشه
بس ما علينا منهم....انت اكتب لنا
من قصصك المشوقه....ونخليهم بحوسته
خو ما يصير كل الديره تجار....بعد
فيها كتاب يهبلون
شرفتنى زيارتك
charisma:
شسوى ياحبيبتى الصيحه كل يوم على
الغدا....واللى يبدى النجره الابو
وياعيى هالعيال
وبعدين ابونا سياسي مخضرم....فلازم
يتكلم عن السياسة
فما اقدر اصد.......بس اليوم عزمت بحط قطن باذانى واستريح
حبيبتى انت
الخرافي يملكون اكثر من 20 بالمائة من الهواتف مع شركاتهم و اهلهم
(لان علي الغانم و عياله هم تابعين لهم)
فملكيتهم تتجاوز ال 30 بالمائة مع التحالفات
لكنهم بيبيعون 20 بس
بعدين و ين حاطيني بالقبس ؟
ما شفت
Mamloo7a Q8ia:
حياج الله ....اول انت وينج ....شهالقطه الطويله
بس تصدقين استانس اذا شفت الحوار بين
العيال وابوهم ....يرد
الروح ...واتحلى عليهم...هذيله
اليهال اللى ربيتهم....الحمد لله صاروا
ريايل ويناقشون ويبدون رايهم بكل
حرية وثقه بالنفس
اللهم لك الحمد والشكر على هالنعم
3ateeja:
اهلا وسهلا بالدكتوره
يقولون الصغير يكبر...هذى يوم الاتصالات
صغيره الحين اكبرت وبدت تنافسها
صج اتقى شر من احسنت اليه
والا هالمثل ما ينطبق فى التجاره
والغلبه للاقوي...الله يكفينا شرهم
اصلا انت مو بس دكتوره بعد اكبر محلله
اقتصاديه......ياحلوج وياحلو حجياتج
سؤال على الماشى...ماعندج وصفه لجفاف القدم.....؟؟؟؟
دمتى بامان
neo:
ترى اللى بقوله سر قالوالى ما اقوله بس انا حرمه ماقدر اخش السر
يملكون الخرافى مع تحالفاتهم بس
سبتعش ونص بالميه
وتحالفاتهم مو مع الغانم....مع على الخليفه
اوووو بعد نسيت ... انت ماتشترى القبس
وما يوزعونها عليكم بالشغل
دز لى عنوانك وانا اشترك لك فيها
هههههههههههههه
يعنى اتغيشم.... فى مقالة بابا العود
عبد اللطيف دعيج
هممممممممممممممم
كلام جميل
والله الحمد الله أنا صادة عن هالكلام
لن شي يحر و مو بيدي أسوي شي
هههههههه
خير ما قلتي
قاعدين يلعبونها صح :|
و محد ضايع بالطوشة الا هالشعب المسجين
Яeema:
يابختج......مستريحه
وعاد طالع بيدنا احنا شيئ
خليها على الله
Cr8ivia:
ان شاء الله نتصر عليهم..... لان ما
يصح الا الصحيح
الله يحفظ الكويت ويحميها من شرورهم
هناك عرضين حق الام تى سى
الاول بسعر 8 والثاني بسعر 11 دينار
الاول قطرى والثاني سعودى
ولذلك البراك هذاك اليوم قالها بوضوح ونكتبت بالصحف المحلية اللى يقدم عرض 12 دينار
يشيييل
الخرافى عملوا عملية تجميع لاسهمهم ضمن الشركات اللى يملكونها ووحدوها بشركة وحدة
البيعة ما اعتقد تصير لان لسبب وممكن تصير لسبب
ممكن ما تصير بناء على الوضع السياسي
اذا تعدل
وممكن تصير لان الملاحظ لاستثمارات الخرافى سنويا تقل ما بين 3-5 % محليا وتحويلها خارجيا
وذلك تمهيد لموضوع ثاني تماما
neo:
شنو معنى .....نيو....وام صده اهى
الخير والبركه....وبعدين جنك بتطلع ولد
يرانا.......المهم شتقصد بكلام جميل
ما فهمت.....؟؟؟؟؟؟؟
Mishari:
قواك الله ...خوش اخبار
بس جنه يقولون ان ما راح يبيعون على القطريين....يخافون يخسرون صفقتهم اللى بالسعوديه.....واهى الاكبر
اما بالنسبه للوضع السياسي
ما ادري شقولك........؟
مشكور
للجميع مشكورين ما قصرتوا
بالمعلومات اللى علمتونيها
ياويلهم منى اليوم على الغدي
شيسكتنى ,,,بغرد اليوم ,, على الغدى
واقولكم بعدين شسصار
سلاااااااااااااااام
هلا بنت الشاميه والله كسرتي خاااطري وانت حايسه ونيو ومشاري وجنه عتيجه داكين لج الصدر بالمعلومات والتحليل...." شوفي اختي المالك الاكبر الخرافي من خلال شركته الجديده اسمها.."الخير"...حول لها كل ملكيته الخاصه...والمقصود بالتحالفات..هم الشركات التي يملك فيها الاغلبيه ويديرها مباشرة...وهم حسب اخبار السوق يملكون في محافظهم الماليه..هواتف..."وهم الكيبلات والاغذيه_امريكانا..والساحل والسفن والاشتثمارات الوطنيه والسكب والاولى...والي حد ما النور والصناعات وبوبيان..."..........................................................
اما اللذين من خارج ادارته هم علي وورثة اخوه محمد الخليفه الصباح...."
والذي يلي الخرافي بالملكيه الشيخ سالم العلي....عنده...." لا لا لا ماني قايلج العدد...الشيخ ماقصر فك عسرة المعسرين...ب 100 مليون...احسن من هالجعوووص التجار..."
اما عن البيع..لا يعلم الا الشارك"اليريوور" الابيض" القابع في رويسات صوفر..في لبنان..غير هالحجي.....ماااعليج من احد."
المهم صيدي اهلج على العشا الليله... قبل الغدا بااااجر ولصقيييهم بالطوووفه...."
انا مو غاط لكن انتي فتحتي جروووح الهواتف..."سلمي على عائلتج الكريمه ..." مدونه جميله ومتنوعه بس هدي سوالف السوق حق اهله والسياسه حق زيدون وشروق والربع..."ماحنا قادرين انلحق..
ماراح يبيعونهالاتحاتي
يبيعون هدومهم ولايبيعونها
وللي يسلم قلبج سمعيهم عدل مدل وتعالي عطينا الخبر وتأكدي بنصبح وانمسي عندج
:))
ياااااااااااااحسره قلبي يا حسسسسسره قلبي
يا بنت الشاميه هذا الي انتي فاهمه جذي قام يصير فجوه بينج و بين عيالج الشباب في التفكير
انااااااااا من الحين ما افهم شيقولون اخواني
باااااااااجر لا تزوجت و يووووووني عيالي اشبسسسسسسسوي
لا اقرا جرايد
و لا اكلف عمري اسوي شي
و لا مواكبه التطور باي نوع من انواااااااعه
الله يا عياااااااااالي باجر بفشلوني جدام ابوهم على الغدا
الشككككككككوه لله
وانا آخر من يعلم
مو معورة راسي كلش بهالسوالف
لأنج كل ما نبشتي كل ما صارت الحياة اكثر تعقيد
وتفاجأت بخفايا الأمور
وصاروا الناس كلهم حرامية ونصابين
والفساد عدي على كل شي
ولحس الأولي والتالي
باعوا شروا
الله وياهم
barrak :
يعنى اصبر على الخميره
مو توهقنى
ههههههههههههه
What Will Be , Will Be :
حياكم الله ....ان ماشالتكم الارض تشيلكم عيونى
بس بعد كلام اجار الدين ما اعتقد بعد اكو كلام
من يصير عندى علم بنشره بسرعة
lawyer:
والله ما تلحقين عليهم...لو سرعتج اسرع من الضوء
اندرسهم عدل وباحسن المدارس
ونتعب عليهم....اكيد بيسبقونا
لوير حبيبتى او ل ادرسهم وطبعا بالانجليزى.. والقرايه لج فيها....بس افهم اللى اقراه واشرح لهم
ما اخلص التدريس الا متخانقين الف خنقه
من كثر ما يتطنزون على قرايتى
الحين افتكيت من التدريس ولبحته
بس اذا تبين اى خبره ترنا مستعدين
اهم شيئ لاتسوين نفسج ما تفهمين
كله سوي روحج انج افهم منهم
يالله تلحقين راس وياهم
عسى الله يحفظهم ويوفقهم
ZoZOta:
لا لا لا حبيبتى لا تصيرين بهالسلبيه
هذا هدفهم...يبون يتهمون كل الناس بانهم حراميه...وغير شرفاء
مثلهم.....وهذا حامظ على بوزهم
الشرفاء والصالحين واللى يخافون الله اكثر واكثر منهم بالاف المرات
و ما هم الا فئه ضاله قليله بالمجتمع
والخير بقبول ان شاء الله
حياج الله
اجار الدين كشمش"
الظاهر عروقكك كلها بالماي
تمنيتك امس تشوف ويه ريلى وعيالى
يوم قلت لهم ان القرار بايد الشارك
اللى قاعد بلبنان بس بتاخر البيعه
لانه مشغول شويه بيسافر و بيتسلم
وسام من جنوب افريقيا ......هذى
المعلومه عاد منى تونى سامعتها
غشوا من الضحك
وصار الصراخ والمناجر ...كلهم علي
وان حافظه كل المعلومات
غردت تغريد ...هيهاي شيئ عجيب
وطبعا ما علمتهم مصدر معلوماتى
من ربعى المدونين
المهم الحين ....ابيع سهيماتى شق عمرى
والا انطر.....علمنى مو تنسي
يعني الخرافي ما عندهم مانع يبيعون البلد باللي فيها، واقفة عندهم على شركة، وإلا شرايك
أوخيتي بنت الشامية ... اليوم الحجي خطييييييييييييييير :)ا
فهمي بالسوق لا يتعدى البسطة ومالي خلق اسأل أدري بيصكون راسي بحجي لا له أول ولا تالي
وبالتالي يطلع كله أووووشااااعات :)ا
ربعنا وانتي ادرى فيهم
بعدين آنا حد قيشي بسطة البخانق :) فلا إتوهقيني يالغالية إنبيع وإلا ماااااااااااانبيع ؟؟ :)ا
أشوة إني بعيد عن السوق
شلك بالبحر و أهواله..خلك عالسيف و تطمش
Fahad Al Askr:
المال فتنة والعياذ بالله منه
بس ما يوصلون الى جذى
وما ننسي والدهم الله يرحمه كان من
رجالات هالبلد...إيهم يوم يطخون
مادايم الا ويهه.... سبحانه
om-bukhnag-zare:
والله وانت صاجه ..كلها اشاعات
نقعد جنب الحيطه و بكره نسمع الزيطه
وانت ما تبين شريك ببسطتج ؟؟؟؟؟
ترانى زاهبه للشراكه.....هذا اذا تبين
شريك محلى.....والا اذا عاد تبين شريك
جارجى .....ما اعرف احد
اتركج بسلام وحب
عتيج الصوف:
اخاف يا اخوى حتى السيف باشر ما يخلونه
نشوفه......وين بعدين نتطمش ؟؟؟؟
دع الملك للمالك....وخلنا نستريح
انباعت والاقعدت
المهم
انها
قاعده
ترتفع
وانتي شوفيها
خضره
وينشرح صدرج
عليها
:)
خلي اسهمج
واخذي ارباحج والله يباركلج
فيهم
............اسالهم شصار على مجلس الامه....ماكو جواب
شصار على حرامية الناقلات....هم ماكو جواب
اذا تفضلوا وردوا علي قالوا ...يمه : ما تقرين الجرايد
بس تدرون صدتها وهى طايره ....
موتيني من الضحك والله
اذا باعوها حق غير كويتي فحسافة عليها .. راحت قبلها الوطنية حق قطري لا تروح اهي حق سعودي
آخر الاخبار
الصفقة تفركشت
رسميا
و اللي ماخ> قرض و شاري ام تي سي
روح صك قرضك
بعدين ا>ا افترضنا ان معنى ام صدة اقصى اليمين
فمعنى نيو اقصى اقصى اليسار بالنسبة لها
:/
malak:
مشكورة على هالدعوة الزينه من الصبح
بس هالصفقة مسويه جو صحى بالبيت
وما يقومون من الغدى الا بعد ساعتين
وانا شبي اكثر من جذى....متمتعه فيهم
اللهم احفظها من نعمة
Abdullah:
عيل شلون احنا مجلس تعاون
خيرنا كله بره مو لنا
neo:
شلون تفكرشت.......؟؟؟؟؟
الى الحين اسهمها بالحد الاعلى
لو مثل ما قلت جان انزلت قيمتها
المهم انا بعت امس ويه وليدى
وسددنا اليوم قروضنا وصكنا على الخميره .........وما على منهم.....ْم
وبعدين شهالعساره........ حتى باسمك
لووول
Post a Comment