خيــــــــــــــــــــــــاط الــفـــــــــــــــــــــــــــــريج

فى الكويت يعيش معنا وافدين اشكال والوان
طبعا هؤلاء قدموا للكويت طلبا للرزق الكريم لان
الكويت بلد الامن والامان
وبالرغم من الحروره والغبار والرطوبه نجد بعضهم
صامدين ولايرضون بغير الكويت بديل لأوطانهم
المهم عندى رسول الخياط .....له فى الكويت اكثر
من ثلاثين سنه
رسول خياط باكستانى 

 مصمم الازياء الخاص للوالده الله يطول فى عمرها

فى ايام صحتها وقوتها كانت هي تروح للخياط رسول

بروحها وتتفق معاه على الموديلات اللى تعجبها

واللى فى الاخر لو تفتحون كبتاها تلقون كل الهدوم

طقه واحده ,ولكن مع تقدمها بالعمر صار

رسول الخياط إيها بالبيت ويصمم معها يالله

من فضلك ازيائها
ودار الحديث التالي بينهم
رسول الخياط: والله ماما انا هلايام كلش مريض
الوالده: والله رسول كلبونا مراضى!بس عسى ماشر
شنو فيك ...؟؟؟؟
رسول الخياط: هذى ركبه مال انا واجد فيها عوار انا
يمشى بعدين اسم الله عليج مادرى شلون يطيح
الوالده: ووووووى مسكين رسول هذى الركبه
صارت عميه... كله الطيحات تصير عليها!ء

انزين روح الطبيب
رسول الخياط: انا ماحب طبيب !!بس اليوم واجد
فيه عوار ورحت حق طبيب..... هذا طبيب يطلع
مصري هو يتكلم عربى مال مصر انا مايفهم طبيب
شنو يقول انا ما افهم الا عربى كويتى

وكلام مال خياط بس
الوالده: يعنى شنو ؟؟؟؟
رسول الخياط: ماما الله يسلمج انا ما يعرف

إلا كلام خياط ..سوى هذا طويل...وسع تنوره

ليش انت خرب نفنوف..خلص هدوم جلدى جلدى
الوالده : عاد شدعوه ما تفهم كلام الطبيب ....شبيقول
لك ...قوله ركبى يعورونى بس
رسول الخياط: شوف ماما اسم الله عليج....انا يروح
مستوصف من الساعه سبعه ...وما يدخل طبيب
الا الساعه احدعش.....انا يقول ركبه مال انا يعور
طبيب قاعد على مكتب...ماما والله العظيم ....اهو ما
يشوف ركبه مال انا....بس يكتب يكتب....شان يقول
قوم خذ ورقه جيب دوا......ليش طبيب ما يشوف وين
يعور....يقول طبيب ماكو لازم خذ دوا وانت يطيب
الوالده: بس ما قال سوي اشعه؟؟ ما عطاك دهن ؟؟؟
رسول الخياط: ماما انا لو يعرف عربي مصري جان
انا يكلم طبيب......بس انا ما يعرف كلم
الوالده: بس لا يضيق خلقك ..انا اعطيك الحين لزقات
ودهن فيكس.....وحبوب مال عوار مو بندول
احسن من بندول.....واذا ما خفت ركبك....انا اوديك
المستشفى ...انا يعرف خوش طبيب
رسول الخياط: مشكوره ماما واجد مشكوره... امس
انا يكلم ماما فى باكستان وهى يقول سوى ملح كبير
حار وحطى داخل خرجه وحطى على
ركبه...خمسه مره عشره مره....يقول ماما انت
يصير بعدين زين
الوالده : ....ههههههه امك الى الحين عايشه
رسول الخياط: إى ماما بس بابا يسوى موت زمان
تصدق ماما انا ما يفهم كلام.. واذا صار مشكل حق انا
ما يعرف يقول.....قبل اسبوع سياره صار خراب
انا يوديه....كراج...ريال كراج لبنابى هو يتكلم انا ما
يفهم عربى لبنانى.....انا يقول شوف سياره خراب ما
يشتغل ....هو ريال لبنانى قرقرقرقر...وايد انا ما يفهم
بعدين هو يسوي خراب على كيفه
الوالده : غبره... لعب بحسبتك وحسبت السياره عاد
صلحها زين عسي ما قص عليك
رسول الخياط : لا ماما سياره الحين وايد زين هذا نفر
واجد زين ما يسوى جذب حقى انا
الوالده: يوم انك مخدى جذيه ليش انت على
الفلوس...ما تسوى خصم ...كل يوم تزيد اسعارك
رسول الخياط: لا لا لا ماما انا مو وايد غالى
هذا نفر يساعد انا اهو صار يبي معاش واجد فلوس
انا ماما الحمد الله كافى فلوس انا ما شاف الخير الا
بالكويت....كويت واجد واجد زين وحرمه كويتى
واجد زينه الحمد الله
ماما يبي انت بعد شيئ.....ان شاء الله ملبوس العافيه
ماما انت واجد زين ...مشكور ماما يخلى انا يجى بيت
مال انت مشكور واجد مع السلامه ماما
الوالده : الله يسلمك حط بالك على ركبك لا تنسي تحط
الزقه وتدهن ولا تشب الكنديشن بالليل
ميرى ميرى.....خلى السايق يطلع علشان يودى الخياط
وعطيه الرطب اللى بالفريزر....مو تنسين

مع السلامه رسول

********

كل هالحوار و انا قاعده على الكرسي استمع له وميته
ميته من الضحك وخصوصا مع النصيحه الاخيره
لاتشب الكنديشن ...بالعون خاس رسول

*********

كل الصور اللى فوق حق رسول

اختاروا اللى تبونه ........ وانا ادزه لكم

وسلاااااامتكم