هالايام اتابع مسلسل الفرية فى تلفزيون الكويت
وحاطينه الساعة 5 وقت صلاة المغرب ما أدري
قاصدين وإلا لا .....بيحرقونها.......... او ما يبونا
"نتابعها لانهم رفضوا شراءها من "حياة الفهد
وإلا محاربة كل شئ كويتي ناجح .... الحسد طبعا
المهم مو هذا موضوعي ......... الممتع فهذا
المسلسل انه ينقلك للكويت القديمة بريحتها وعبق
القديم جنك تشم ريحة يدتك ويدك ام الحوار فهو
ممتع انحرمنا من الكلام الكويتي الصجي حسافه عليه
اندثر ودخلت عليه لهجة غريبة وكلامات
اغرب واعجب
الحوار فيه البساطه والعفوية والكلام السنع المعدل
وفيه المثل والقيم العليا والرزانة والدين الصجي والوصل
حتى المسبه ذربه وحلوه"سمام يسمج" واصلا
اختف وتلاشت من الغُربْ الي دخلوا عالم الفن
وكتابت المسلسلات الودرة مثل ويه الي يكتبها.
الاحداث فى المسلسل كويتية مئه بالمئه مو دخيله
على الكويتين. ادري المجتمع الكويتي فيه كل شئ
بس مو بالشكل الي تظهره المسلسلات الهابطه
شكرا لك يافنانة الكويت نحن مقصرين بحقك
وشكرا لفريق العمل كلكم تستاهلون منا التحية
ملاحظة : صدق او لا تصدق فى هذا الوقت اكو
وحاطينه الساعة 5 وقت صلاة المغرب ما أدري
قاصدين وإلا لا .....بيحرقونها.......... او ما يبونا
"نتابعها لانهم رفضوا شراءها من "حياة الفهد
وإلا محاربة كل شئ كويتي ناجح .... الحسد طبعا
المهم مو هذا موضوعي ......... الممتع فهذا
المسلسل انه ينقلك للكويت القديمة بريحتها وعبق
القديم جنك تشم ريحة يدتك ويدك ام الحوار فهو
ممتع انحرمنا من الكلام الكويتي الصجي حسافه عليه
اندثر ودخلت عليه لهجة غريبة وكلامات
اغرب واعجب
الحوار فيه البساطه والعفوية والكلام السنع المعدل
وفيه المثل والقيم العليا والرزانة والدين الصجي والوصل
حتى المسبه ذربه وحلوه"سمام يسمج" واصلا
اختف وتلاشت من الغُربْ الي دخلوا عالم الفن
وكتابت المسلسلات الودرة مثل ويه الي يكتبها.
الاحداث فى المسلسل كويتية مئه بالمئه مو دخيله
على الكويتين. ادري المجتمع الكويتي فيه كل شئ
بس مو بالشكل الي تظهره المسلسلات الهابطه
شكرا لك يافنانة الكويت نحن مقصرين بحقك
وشكرا لفريق العمل كلكم تستاهلون منا التحية
ملاحظة : صدق او لا تصدق فى هذا الوقت اكو
.فرية بين بيتين جيران لازالت موجودة الى لليوم
وهم اكثر من الاهل وفى منطقة نموذجية بعد
وهم اكثر من الاهل وفى منطقة نموذجية بعد
وسلاااااامتكم
13 comments:
المسلسل اقل ما يقال عنه عجيب
حياة الفهد خيالية
و صدقيني
حصو بتسبينها وايد
مسكينة الممثلة يمكن يصير فيها شي من دعوي الناس !!
استاثمت فيها حياة الفهد
مسلسل من احلى المسلسلات الكويتية اللي مثلت
صج المسلسل عجيب تره حرام حصوه لف راسها الهوي وما قدرت غلى نفسها الله يهداها
والاعحب طبعا الحجي الكويتي العتيج .
والحوار
وبسلامتي توني متفرغه اشوف المسلسل لاني انا ضد كل المسلسلات في رمضان
ولان وايد امدحوها لى فقررت اشوفها
حياج الله
ههههه واااايد متاخره بنت الشامية
ماعتقد احد بالكويت ماشافة
بس فعلا مسلسل يستاهل
و اتمنى مسلسلاتها الياية تكون على تلفزيونات الديره
الله يعينج على رفعة الضغط اذا ليلحين بأولة
cr8ivia:
ابيه هههههه ادري انى فراغه بس والله انا كنت ماخذه موقف من المسلسلات الكويتية وسويت احتجاج صامت واضربت عن شوفتهم لان الي يكتبونه مو صحيح ومو عدل فقلت ابدي بروحي بالاضراب يمكن يزيد العدد ويوصل احتجاجنا للمسؤلين عن هذا الانحطاط الفكري
بس يظل المسلسل القوي في الساحة ويتلاشى التافه من المسلسلات
واخيرا اهلا وسهلا في زيارتك لمدونتي
يافرية الحب يامشرعه لنا بابج
حسبي على اللي فرق لمة احبابج
من افضل الاعمال التي ظهرت بعدالغزو
الحوار السيناريو الاخراج
اختيار الممثلين
الموسيقى التصويرية
ولكن الحلو مايكملش
هناك اخطائا عده
فهل يعقل في فترة الخمسينيات نجد بنتا غرفتها تطل على الشارع
والفريه تكون عاده بين الاخ واخوه او الاب وابنه
طبعا هذه الملاحظات ليست ملاحظاتي بل تناقشت بها مع عددا من النقاد واظن ان كلامهم صح
شكرا لتسليط الضوء على ذاك المسلسل
وباعتقدي من اسباب نجاح المسلسل الاغنيه
مع طول الايام جروح الهوى تبره
لكن هيهات جرحك ياغدر يبرى
تبين الصراحة .. أنا واحد أحب تمثيل حياة الفهد .. فنانة كبيرة ..
ولو اني ما أتابع مسلسلاتها .. بس من أشوف حلقة أو حلقتين أعرف شصار و ساعات أكون داش البيت ولا الوالدة قاعد تطالع الفرية .. أقعد معاها و أسألها هذا منو و هذي منهي .. و تقولي القصة من أولها لي آخرها .. ما يحتاج أتابع .. ماشاء الله عليها تعطيني الموجز الله يحفظهها ..
و مثل ما قلتي .. اللهجة بسيطة و الكلمات ذربة و ما في دخلاء من العرب المتكوتين أو غير الخليجيين !!
حتى المناطق اللي قاعدين يذكرونها .. تحسسنا بكويت الماضي ..
عجيب هذا المسلسل .. و استغربت وجود فرية في هذي المنطقة !!
أنا أعرف اثنين من أهلنا في الفنطاس جيران بينهم فرية .. بس بالشويخ !!؟
ماشفته ولا تابعته..تلفزيون الكويت بكبره مو صوبي
عندنا فرية بين بيتنا وبيت خالتي
barrak:
لام النقاد صح وخصوصا الدريشة على الشارع وحتى الولد ليش ساكن بروحه اول الولد يسكن ويه اهله ما يطلع من البيت العود
بس كل هذا ما يضعف المسلسل يعنى ما حد يقدر يسوي الكمال الا سبحانه
اما الاغنية تعور اقصي ما في القلب ومؤثرة وطبعا صوت المغني الكبير حزين يخليك تحس بالمسلسل قبل ما تشوفه
بس اكثر ما عجبني الكلام الكويتي العتيج هذا الي نسينها وبدا يندثر
حسافه عليه
kuw son:
تصدق اذا قالوا الفنطاس اتذكر الفنطاس القديم ايام الوالد الله يرحمه يودينا المزرعة واحنا صغار نرد من الفنطاس واحنا مستانسين وخصوصا اشيار الكنار
ترى انا مثلك ما احب اشوف مسلسلات بس الفرية من كثر ما قالولي عنها بديت اتابعها
وليش متعجب من الفرية تكون فى شويخ الجيران ساعات يكونون اكثر واحسن من الاهل
krakatoa;
على قولت اخوانا المصرين "ومن سمعك
اصلا ما اشوف تلفزيون الكويت خير شر الا اذا صدرت اوامر عسكرية عليا من بعلنا ...ز
والفرية بين بيوت الاهل اكو وايد فى هالوقت بس بين الجيران .....اعتقد ماكو
الصراحه انا اموت على هالمسلسل
عجيب ولا حياة الفهد تبدع بالقصص الواقعيه ورويشدوااايد حلو صوته بالاغاني القديمه
:)
الظاهر ماشفتيه على دبي
والله اني بجيت بجي
الله ذكرتيني بايام رمضان
:(
وتحياتي لج
وســـــــن
bangbang2:
هالنسة اضربت عن مشاهدت اي مسلسل لان ضغطي وايد يرتفع من الاسفاف الفكري اللي يقدمونه فى هالمسلسلات
بس وايد امدحوا الفرية والله ما كتب اشوفها الا الحين عاد حسافه خلصت امس كانت اخر حلقة
بس شفتي دور حياة الفهد
هذا الام والزوجة والجنه والجارة الكويتية الاصيلة بنت الحمايل
مو الامهات اللي نشوفهم بالمسلسلات التافه.... دير شركات والا بس تتزين وتهيت...... الخ الخ الخ
ومشكورة لمرورك عندي وحياج الله
مسلسل كويتي يحاكي التراث و الحياة القديمة للكويت
عجيـب..وماتحسفت على متابعته في رمضـان..
أفضل مسلسل كويتي أنتج مؤخـرا في آخر 5 سنين في الكويت
Post a Comment