الله يخليك ياصاحب سمو رئيس الوزراءاقرأ تقرير بلير عدل....عدل...عدل
ترا من أمس ماااا غمضت لى عين
عيالنا يا حصرة قلبي عليهم وين بيروحون؟؟؟؟
أبهاتنا وأجدادنا تغربوا واشتغلوا بالمجهول
بس عيالنا ليش يتغربون ويهاجرون
ديرتناااااا فيها كل الخير...والأموال موجوده
بس ما خوف بلير وخوفناااا الا من
فساد الإداره
والعبث بمقدرات الدوله
ومصادرهااااا الماليه
من المافيا اليديده اليوعااااانه اللى
ما يترس عينهاااا حتى الترااااااب
الله يخليك إقراه بتمعن وفهم
للحفاظ على كويت المستقبل
الكويت لازال فيهااا شباب مخلص
نظيف يبى يخدمها ويساهم بصلح حالها
شباب مثل الورد يحبها ومخلص بحبهااااا
هذا التقرير الوحيد اللى ما فيه مجامله لك ولربعك
لعل وعسى تصحا القلوب الميته ويردعهااااا
عن العبث وعن الغي والحقد اللى هي فيه
كلنااااا بمركب واااااحد
وكلنا بنطبع فيه إذا ماااا تكتفنا
وتصالحنا وتعاونا وتحاسنا
وفى الأخير نصيحتي لك ياسمو رئيس الوزراء
وأناااا أصغر من أن أشور عليك
إحسن اختيار البطانه المخلصه
اللى تعينك مو تعتك
مو اللى تاخذ منك ابره
وإدفعك ثمنها بولدوزر
بطانتك ....ثم بطانتك....ثم بطانتك
إحسن إختيااااااارهم
واذا كنت غير قادر على إدرة إمور الدوله
ما فيهااااا شيئ عطها من يقدر عليهااااا
الإعتراف بالحق فضيله
ما فيهااااا شيئ عطها من يقدر عليهااااا
الإعتراف بالحق فضيله
اللهم إحفظ الكويت من كل شر
وسلامتكم
وسلامتكم
27 comments:
الصراحه اذا دافعين له 10 ملايين علشان يقول هالكلام
خوش خساره
تونى رادة من مكة ودعيت حق ديرتى اللى ما ندرى منو بحارب منو
هذا طبعا التقرير كتبه بلير قبل لا يدري ان وزارة الداخلية طالبين زيادة مخصصاتهم من 3 مليون الى 15 مليون
بس ترى بلير الله يسلمه بهرها حبتين
خشيت المقالة باقراها بكرة بالطيارة انشاءالله
ينطبق عليج مقولة
اياك واليأس من وطنك
اتوقع الحل مو في الأشخاص اللي موجودين بالسلطة حاليا
اتوقعها مسألة وقت
أختي الكريمة
مع اني اشاركج وبشدة حسج الوطني الأصيل
بس تساؤل بسيط
عقب 5 وزارات متتالية ما شفنا منها خير وهم عندج أمل ؟
أنا عن نفسي من كثر مااستعصى علي فهم الأوضاع مات فيني الأمل بأن الإصلاح قريب
بعدين اللي قاله بلير مو كلام جديد
بس الجماعة احتاجوا يسمعونه من الغريب علشان لا يقولون ان صاحب التقرير يميل لكفة فلان أو جماعة فلان
مع ان بكل بساطة ... ممكن يقول اشياء معينه اذا زادوا له الجيلة لأن بكل بساطة مستشار مدفوع له ليقوم بهذا العمل ... وبالتالي ممكن شوية ضغط مني والا مناك تنقح الكلام
والا أنا غلطان
التقرير اليوم ينطبق عليه
اللي بالجدر طلّعه الملاس الأنجليزي
كل اللي قاله توني بلير عارفينه وايد زين
بس لما ينقال بصوره رسميه
له طعم مر
ريحتنا فاحت يامن يهمه الامر
اختي دافعين 17 مليون دينار لفريق توعوي للجهازالمركزي لتكنولوجيا المعلومات وموشايفين شي اعتقد بلعو الفلوس وهذا شئ من لاشئ بالبلد وقيسها على ذلك , شكرا غيور على بلدي
الوزير التكنوقراطي جابر الخالد موجود
فما الحاجة لبلير أو نعوم تسومسكي او حتى فوكوياما ؟
دافعوا عنه أكثر
:)
و كأنكم لا تعرفون سبة البلا اللي في البلد
هل احنا مستعدين وراضين نطبق كل حلول بلير ؟؟؟
مافيش فايده
forzaq8 :
يقولون بس 2 مليون
ان شاء الله ياخذون بالتوصيات وتصير مو خساره
المسقطيه :
تقبل الله طاعتكم...وحمد الله على السلامه
وان شاء الله الله يحفظها من كل شر
عسى دعيتي لى وللعائلة الكريمه
:*
بو حامد :
والله ما بهرها الا هذا الصج
والصج يخوف
هذول انجليز ما يعرفون يجاملون
وعسى عاد ربعنا يحسبون حسابهم عدل
ma6goog :
انا اقول لك خله بالرده
عن المغثه
المهم وناسة سلمى وام سلمى
رحلة سعيده
BeeDoO :
وان شاء الله تنطبق علينا كلنا هالمقوله
ايااااااكم واليأس من الوطن
هذااااا وطناااا كلنا مو بس لهم
دروازة :
الكل يقول هالكلام سامعينه من زمان
وانه ما ياب شيئ يديد
اكيد بس لما يكون التقرير من بلير مو اي شخص اخر.....بيكون الكلام اكثر مصداقيه.....ويعورهم اكثر
بس اياك والياس من الوطن
الخير لازال بهالارض
nanonano :
لان كلامه بالتقرير اكثر مصداقيه
وما فيه مجاملات اللى ربعنا تعودوا عليهاااااا....من اللى تحتهم
واكيد بيكون الكلام مر علقم عليهم
المهم التنفيذ...!!!!!ء
أهل شرق :
يقولون عندهم بخور ب2 مليون دينار
مو كافي يغطى الريحه
):
Anonymous
غيور على بلدي
هذااللى يسمونه الفساد الاداري
الله يكافينا شر هالمافياااا
اللى ما تشبع
الله يحفظ الكويت منهم
حلم جميل بوطن أفضل :
ان شاء الله يقرون التقرير عدل ويطبقونه بحذافيره
هذا كل اللى ما نتمناه ونطلبه
والله الحافظ
Anonymous 1:
خل نبدي بالتطبيق ويصير خير
البدايات دائما صعبه
حالنا حال الدول الاخري
حبنا ا للكويت يخلينا نطبق كل شيئ
واللى ما يبي الباااااب مشرع له
يقط جنسيته ويرجع الى اصله
والله الحافظ
Eng_Q8 :
ليش الله يهداك كل هذا الياس..؟؟؟؟
ان شاء الله الخير بهالارض وباهلهااااا
بصراحة الريال حلل معاشة
احنة لو الله يفكنة من مجلس الامة راح نكون بخير
وأظن إنة بيان ناصر الخرافي حق مسلم البراك كان بهذا الخصوص وكان كلامة عين العقل
للأسف جعلنة بعض من الافراد يتحكمون للكل
رغم كان القرار والحكم للأكثرية ولكن اصبحت القلة اهى من تحكم الاكثرية وتخرب بيوتهم على حكمهم
تقرير بلير يقول حق ناصر المحمد توكل على الله و هد رئاسة الوزراء هذا اهو المفيد
بعد ست وزارات
بنت الشاميه
المبلغ فوق العشر ملايين حسب الخبر الي نقلت عنه القبس ( و غيرت بالترجمه ) الخبر يقول
مبلغ ذو 7 اصفار استرليني
يعني بالنازل 5 ملايين دينار
http://www.forzaq8.net/2009/03/02/blair-to-teach-kuwait-how-to-governt-it-self/
Post a Comment