ما عنــــــــــــــدى سالفة

من جم يوم رحت صالون نسائئ وهو صالون راقي ونظيف

والزبائنه محترمات  لان سمعة الصالون قبل شغلهم

 وصاحبته مجابلته مجابل وهي من اسرة غنية

وواصله يعني تقدر تسوي الا ما يتسوي والموظفات اللي عندها

يتراعدون مراعد منها يعني ما على الصالون اي شبه
بس لما تسمع كلام العاملات فيه" انا اعتقد مو بس هالصالون

يشيب راسك من التسيب لهذه العاملات باسم الزواج  

 والا الظروف اقوي منهم؟؟؟؟

***********

مسلمة من جنسية عربية تزوجت مسيحي عربي وساكنه معه

 بعقد زواج شرعي يعني اشهر اسلامه بس ليكمل الزواج

 وهو الى الحين مسيحي ومسجل اسمه بالكنيسة !!!!!ء

والكل  يدري بهالقصة يقولون اسمه زواج!!! ء

بس حلال او حرام انا ما ادري

*********
الثانية متزوجه في بلدها وعندها عيال يت هني وتعرفت

على واحد من جنسيتها وتزوجته

يقولون كده وكده طبعا ما فهمت شنو كده و كده

وساكنه وياه.. ويابت  ولد شلون ولدته بالكويت

وبعد طلعت للولد جواز سفر من سفارة بلدها بالكويت!! و

المصيبه انها تخاف ترد ديرتها

 شتقول حق الريل الاول اللي قاعد ينطرها

 ***********

الثالثة من بلد اخر وايد حلوه زوغه وصغيره تعرفت على

غرسون المطعم اللي يم الصالون

وحملت منه وانحاش عنها

وطبعا تم تسفيرها من قبل صاحبة الصالون قبل ما تولد والحين

ردتها مرة ثانية الى الكويت... الغرسون من جنسية عربية

*****
الحين شنوموقف صاحبة الصالون

اذا انا الغريبة قالولي كل شئ يعني اهي ما سمعت هالكلام
هذا شيسمونه..؟؟؟؟؟؟
والا إهي ما يهما باللي يصير خارج صالونها
اذا هاذى القوية والمدعومة واللي أيدها طايلة

عيل شحال الصالونات الثانية اللي فيها السيجاير

والارجيله على عينك يا تاجر......والاشكال اللي تخرع
****
صدقوني رديت داير راسي وضايق خلقي ولايعه جبدي منهم
بس جنه ما عندي سالفه

انا شكو مدخل عصي فى اللي ما يخصني

صج ساعات ننحشر بشي ما يخصنه

وسلااااااامتكم