تحـــــــــــــــــــــــــــــديث
اخبار قويه تتردد
بان المستشار راشد الحماد
وزير الاوقاف و نائب رئيس الوزراء
طلب اعفائه من منصبه الجديد
والله اعلم
صوره قديمه لثانوية الجزاير بالشاميه بالخمسينات
اللى سمعته إنهم بيحولون ثانوية الجزائر للبنات
بالشااااااميه الى نادي إجتماعي نسائي
فيه أحواض سباحه و ملاعب تنس وسكواتش
وملاعب كره سلة وطائرة ...الخ....الخ
بس اللى ما سمعته هل هناك ملاعب كرة قدم ..؟؟؟
ولاااااا بعد ملعب بولنغ.....!!!!! بس هذى
الرياضه الوحيده اللى كانت ناقصتناااا
ما عندي تفاصيل كامله عن الموضوع
من بيتسلم المشروع...؟؟؟؟ من بيسويه....؟؟؟؟؟
بس إن هذه السنه سوف تكون أخر سنه دارسيه
فى ثانوية الجزائر
ثانوية الجزائر معلم من معالم الكويت العريقه
من فتحنا عيونا وإحنا نشوفها وإدرسوا فيها اغلب
بناتها ما لقوا مكان يسون تنميتهم الرياضية الإ فيهاااا
ثانوية الجزائر تمثل جزء من تاريخ
اللى سمعته إنهم بيحولون ثانوية الجزائر للبنات
بالشااااااميه الى نادي إجتماعي نسائي
فيه أحواض سباحه و ملاعب تنس وسكواتش
وملاعب كره سلة وطائرة ...الخ....الخ
بس اللى ما سمعته هل هناك ملاعب كرة قدم ..؟؟؟
ولاااااا بعد ملعب بولنغ.....!!!!! بس هذى
الرياضه الوحيده اللى كانت ناقصتناااا
ما عندي تفاصيل كامله عن الموضوع
من بيتسلم المشروع...؟؟؟؟ من بيسويه....؟؟؟؟؟
بس إن هذه السنه سوف تكون أخر سنه دارسيه
فى ثانوية الجزائر
ثانوية الجزائر معلم من معالم الكويت العريقه
من فتحنا عيونا وإحنا نشوفها وإدرسوا فيها اغلب
بناتها ما لقوا مكان يسون تنميتهم الرياضية الإ فيهاااا
ثانوية الجزائر تمثل جزء من تاريخ
التعليم بالكويت
وما بقى لنا الإ هى من ثانويات البنات القديمه
خصوصا بعد ما سكروا ثانوية المرقاب
حرام عليهم يمسحون كل ذكرياتنا وتاريخنا الجميل
يعنى حبكت ما كو مكان الإ ثانوية الجزائر..!!!!ء
توليتوا مدارسنا القديمه تولي وين مدرسة
المباركيه ,الأحمديه , المهلب ,القبليه المتنبي
الوسطى الخنساء,الشرقيه بنات والشرقيه أولاد
النجاح ,الصباح ,الصديق, صلاح الدين,
وما بقى لنا الإ هى من ثانويات البنات القديمه
خصوصا بعد ما سكروا ثانوية المرقاب
حرام عليهم يمسحون كل ذكرياتنا وتاريخنا الجميل
يعنى حبكت ما كو مكان الإ ثانوية الجزائر..!!!!ء
توليتوا مدارسنا القديمه تولي وين مدرسة
المباركيه ,الأحمديه , المهلب ,القبليه المتنبي
الوسطى الخنساء,الشرقيه بنات والشرقيه أولاد
النجاح ,الصباح ,الصديق, صلاح الدين,
""العمريه ""عمر بن الخطاب
؟؟؟؟؟؟؟؟؟
؟؟؟؟؟؟؟؟؟
هذا تاريخنا مسحتوه وهدمتوه
هالمدارس كلها جزء من تاريخ التعليم بالكويت
وحمل خريجين كل هالمدارس على اكتافهم
هالمدارس كلها جزء من تاريخ التعليم بالكويت
وحمل خريجين كل هالمدارس على اكتافهم
بناء دولة الكويت الحديثه وتاريخها الجديد
على حسب علمى مدرسة المباركيه نقلوها
إلى ام الهيمان......معقووووله
الله يخليكم خلوااااااا ثانوية الجزائر
هذى مالتنا مالت الشعب الكويتى
لا تمسحوووون تاريخنا وتاريخ بنااااااتها
أطالب كل القيادات التعليميه النسائيه
أن تدافع عن حقوقنا فى ثانوية الجزائر
وتطالبهم بأن يشيلوووون إيدهم عنهاااااا
ويدورون لهم مكان ثاني لمشاريعهم التنمويه
غير ثانوية الجزائر
صج ضاقت فيهم الديره
لاحول ولا قوة الا بالله
أكتب هابوست وأنا جدا متألمه
وسلامتكم
الله يخليكم خلوااااااا ثانوية الجزائر
هذى مالتنا مالت الشعب الكويتى
لا تمسحوووون تاريخنا وتاريخ بنااااااتها
أطالب كل القيادات التعليميه النسائيه
أن تدافع عن حقوقنا فى ثانوية الجزائر
وتطالبهم بأن يشيلوووون إيدهم عنهاااااا
ويدورون لهم مكان ثاني لمشاريعهم التنمويه
غير ثانوية الجزائر
صج ضاقت فيهم الديره
لاحول ولا قوة الا بالله
أكتب هابوست وأنا جدا متألمه
وسلامتكم
شوفوا بس مبانيهاااا تعور اقصى ما ف القلب
ReplyDeleteمثلها مثل مستشفى الصباح
وثانويه شويخ
شلووون يقدرون يهدمونهاااا
هذى من تراثنااااا
ما لناااا الا نائبتنا سلوى الجسار
يمكن تسوى لنا شيئ
حرام عليهم
ثانوية شويخ تحولت الى جامعة الكويت قلنا ميخالف
ReplyDeleteولكن ثانوية الجزائر تتحول لنادي رياضي ماله داعي
!!
يفترض:
يتم المحافظه عليها كمدرسه من اعرق مدارس الكويت
دعم الرياضه وما شابه بمباني جديده تتسع لاحلامهم بعيدا عن تاريخ ثانوية الجزائر
يا بعد قلبي انتي
اسم الله عل قلبج المتألم
:*
مو أول مرة
ReplyDeleteالمسؤولين بالكويت لا يعيرون قيمة للتراث
حلوه هذي اليوم ثنوية الجزائر باجر ثنوية كيفان الي حطو فيها اتحاد لالعاب القوى وللهواة وحطو فيها كلية الطيران التكنلوجي يعني اكو طيران من غير تكنولوجيا؟؟
ReplyDeleteما بقى الا يشيلون قسم المكتبات الغرفه المعلقه بالهوا
وثانيا ثنوية الجزائر خرجت اجياااااااال حتى امي الله يطول بعمرها كانت بالجزائر تدرس
ووين يودون عيالهم بعدين ويشتتون بناتهم عن رفيجاتهم والله مشكله
لالالا ما يصير لييييييش؟؟؟
ReplyDeleteما لقو الا ثنيويتي؟؟ :(
قبلها كان مدرسة الغزالي بشويخ درست فيها اولى ابدتائي نص فصل وبعدين هدموها وحولونا مدرسة المؤمون درسنا فيها لي ثالثة ابتدائي وبعدين حولوها كيفان وهدموها
ReplyDeleteابوي وعمامي كلهم درسوا بالمؤمون وبعضهم درّس فيها
مادري ما يعرفون ان في شي اسمة ترميم وصيانة؟؟
عندنا الله خير من ينبني المبنى ينسونه لين يقولون خلاص المبنى غير صالح للإستخدام .. مو من الأول انتوا هاملينه
مايشوفون المباني اللي برا عمرها 100 و150 سنه شلون
اتصدقين اعرف حريييييييييم وايد لا ضاقت خلووقهم راحو افتروو عند المدرسه...
ReplyDeleteوقعدو يتذكرون ايامها و ايام اول
وايام لما يروحون مشي و يردون مشي
و بعدين يطلعون لي حديقه الشاميه و كيفان صفقه و شيله و وناسه
انا اول مره اسمع الخبر منج
صج اني ما درست فيها بس لي ذكريات قديمه فيها
كان يدي الله يرحمه ياخذني و نروووح انييب خالاتي
يا عل الالم بعييييييد عن قلبج
:***
المصيبة أن شخصية نسائية سقطت في انتخابات نادي الفتاة أكثر من مرة ذهبت لسلطات عليا شاكية فاقترحوا عليها أن تنشيء نادي آخر غير نادي الفتاة ويكون لها وإن صدق ظني فقد تم تخصيص موقع ثانوية الجزائر لها
ReplyDeleteيعني يا حبيبتي يا بنت الشامية راح يضيعون التاريخ لان شخصية نسائية -كريهة- سقطت في انتخابات نادي الفتاة
والله لا يكذّبني
أي شي معهد رياضي ...
ReplyDeleteهالمدرسة آنا درست فيها و أمي درست فيها أيام ما كانت مدرسة متوسطة "قبل لا تصير ثنوية" و خالتي وبنات عمامي
لأ لأ لأ كلش مو خوش خبر
آذا كلش كلش بيسوون معهد رياضي بالشامية و ما بإذنهم ماي
خن يشيلون واحد من مباني كلية التربية الأساسية
إشدعوة كليتين وحدة يم الجمعية و الثانية يم فرع9 مسوين زحمة ولا يخدمون المنطقة ولا شي
ولا خن يشيلون هذا معهد بحوث ودراسات الخليج "مادري شسمه" إلي يم مدرسة الشامية بنات ...إشكبره و محد يداوم فيه
و إشحقه معهد رياضي من الاساس؟
تاريخ تشيلونه علشان مشروع ماتدرون إذا بينجح ولا بيخسر؟!!
غير معرف إلي فوقي
ReplyDeleteوالله صج مادري ليش حاسة إن أحد ناقر من نادي لافام إلي يم الجمعية الثقافية
تهويد الشامية
ReplyDeleteاهل الشاميه ما المفروض يشتكون عند الناس المفروض يكلمون اخو الشاهبندر التجار اللي ترسها مطاعم
ReplyDeleteلكن على شانكم بنتحرك مع صوتكم ولكن خل نتاكد من المعلومه
السفره مضايقتنا واكيد مضايقتكم
اللي نقدر عليه بنسويه انشالله
الله يعينكم
اقترح عليك نشر اعلان في احدى الجرائد للطلب من خريجات المدرسة توقيع عريضة لمنع تحويل المدرسة الى نادي مسائي . للاسف هناك من يحاول طمس معالم الكويت الثقافية.
ReplyDeleteاليوم الجزائر
ReplyDeleteباجر الديرة بكبرها
نحن محسودين على هيك حكومة
دولة تعشق قتل تراثها وتتلذذ بهدمه !!
ReplyDeleteثانوية الشويخ اللي أصبحت جامعة كونكريتية بدون روح !
وين برج الساعة اللي عند كلية الحقوق ؟
وين الكرة الأرضية عند مدخل الجامعة ؟
ثانوية عبدالله السالم ماتت من زمان وكل ما أمرهم لمراجعة تدمع عيني علىذكرياتي فيها بالسبعينيات يوم ما كانت بعزها
هدمنا كل شيء يتعلق بالماضي في شرق وجبلة والمرقاب ، كأن التراث شيء معيب ونحاول نهرب منه
مع الأسف ، تكرار هذه الأحداث يخيليني أتيقن أنها مو عفوية بل متعمدة !!
esTeKaNa :
ReplyDeleteمو كافى هدموا المدارس القديمه او حولوهااا الى اماكن مهجوره
حتى ثانوية شويخ تعور القلب
هذى من اول ثانويات الكويت تتحول الى جامعه......ما اكو اماكن بالديره..؟؟؟
الحين يه الدور على الجزائر....مو مضيقه عليهم الا الجزائر....والله حرام عليهم
الرياضه مطقعه بعضهااا عندنا
بس هذا اللى ناقصنااا
ونصير بعدها ناس سعداء
هم يبكى وهم يضحك
شلون يا استكانه ما يعورنى قلبي
:(
مـغـاتيــــــــــــر :
ReplyDeleteهذى مو بس تراث
هذى تمثل تاريخناااااا
انا جدا حزينه
عنيف :
ReplyDeleteاي والله وانت صاج خرجت اجيال واجيال واجيال حملوا على عاتقهم بناء الكويت الحديثه
ودرسوا فيها اول دفعات المعلمات الكويتيات.....باخلاص وامانه
هذا يكون جزاءناااا
تتحول الى نادي....ونادي رياضي
لاحول ولا قوة الا بالله
بس مو ناقصنا الا الرياضه
C'est La Vie :
ReplyDeleteثانوية الجزائر
نعم ثانوية الجزائر
بنت الشامية
ReplyDeleteانتي كنتي بروضة المهلب ؟؟
frortdrum :
ReplyDeleteمدرسة الغزالى هدموها وحولوها الى حديقه عامه لان سكان شويخ ما يبون صيحة وزحمة سيارات
فصارت بقدرة قادر حديقة عامه
ومدرسة المتوسطه اولاد صارت مقر للتعويضات,,,,, وجزء منه سووووه مستوصف الشاميه الجديد
مساكين ما عندهم اماكن يتوسعون فيها الا مدارسنا القديمه العريقه
حتى حديقة وهران باقوا منهاااا ليوسعون الدائرى الاول
قاعدين احنا بس نتفرج وهم يلعبون بالشاميه ا لعب
قلبى وااااااارم وما اقدر اقول اكثر
اسكت احسن
:(
lawyer :
ReplyDeleteوالله يالوير شوفت ثانوية الجزائر تشرح وتوسع الصدر
تحسين بعراقة مبانيهاااا وفخامتها
ما اقول الا حسبي الله عليهم
ومن صجى وماني رادتها عنهم
حسبي الله عليهم
:(
Anonymous 1:
ReplyDeleteواحنا ندفع الثمن
لان الحبيبه ضايق خلقهاااا وما عندها شغل تسويه...؟؟؟؟
تهدم مدرسه وتبنى ناديعلشان توسع صدرهااا فيه.....لازم اسكت احسن لى
ماكو فايده بالحجي
من صجى ضاق خلقى مرتين مو بس مره وحده
لاحول ولا قوة الا بالله العلي العطيم
شكرا للمعلومه
انا صج ما درست فيها بس اشتغل مدرسة في روضة الشامية و كل يوم نشوف هل المبنى يقوم مرةنقول مسرح مرة نقول حمام سباحة بس لو تلاحظين شكله صاير قائم بروحه ماله شغل بالإدارة فاتصور راح يفصلون .. كل شي جايز بهل الزمن
ReplyDeleteالحين صارت ثانوية الجزائر من معالم واثار الكويت؟
ReplyDeleteعيل فرع قطعه 3 بكيفان يعتبر من منارات العلم ويشكل صورة رمزيه لكويت الماضي وفيه عبق الماضي والحنين اليه
عورتي قلبي على ثانويتي
ReplyDeleteانا دارسه فيها سنتين
ليش بالله يعني مالقوا لهم نادي غيرها؟؟؟؟؟؟؟؟
الله لا يقوله وان شاء الله تكون
خبريه مو صحيحه
حسافه عليها
:(
بيمسحون كل الذكريات الحلوه
قلبي يتألم معاج
:"(
والله انا اقوول اذا اركبوو راسهم وعزمووو مسكي كاميرتج وانا خيتج وروحوو اتشرخيلج جم صوووره وانتي حاضنه الاطووف وعند باب المدرسه وبغرفه الحارس والدرج والصفوف والمقصف اهم شي وبعدين ردي بيتكم وعلقي كل هالاصوور وقولي في ذكرى ثانويه الجزائر اللي طلعوو قرار انهم يهدمونهااا او يحولونهاااا نادي اجتماعي يجمع النساء على الخير والتقوى واللحين احفادي صاروو طولي ولي اللحينها موجوده هههههه
ReplyDeleteواذا قلبت وصارت نادي اقوول ابشري بالقثه التجمعات النسائيه راح تصير على اخر مكان سافرووله واخر تريننج جوسي شرووه واخر مودااا هابيين فيها بياعات البيوت <<< اسلووب نوع من المنقثه والحاقد
http://www.youtube.com/watch?v=b18YV06Po-U
ReplyDeleteهذا اهداء من الفنون الشعبيه الشبه منسيه وللاسف طبعا انه بلشت الناس تنسى الفنون الشعبيه الاصيله
mellow :
ReplyDeleteما ادرى شفيهم على الشاميه
المرقاب صكوهاااا قلنا ياحيل الله
مع ان قلبى متعلق فيهاااا
بس الجزائر.....لا ماراح نرضى
الجزائر صرح من معالم الكويت التعليميه
حرام عليهم اللى يسووونه فيناااا
الجزائر خرجت اجيال من القيادات النسائية اللى قادت البلد
صج حسافه عليهاااا
ما اقول الا ياعوينة الله
عاجــل :
ReplyDeleteالشاميه من زمان مهوده
حق اهل الهويدي
من قلبانها وصيهدهم
mob :
ReplyDeleteوعلي على اهل الشاميه
اغلبهم من اهل الله
حتى هالمطاعم ما نشتري منها من زمااان
والله اذا تقدر تسوي لنا شيئ
بنحط ايدنا بايدك....ما تقصر
الى الحين ما سافرت..؟؟؟
حسبالى سافرت من زماااان
والله يعين الجميع
O-sansei :
ReplyDeleteشكرا لاقتراحك لعل وعسى يفيد
حسافتج يا كويت :
ReplyDeleteعاد الديره معووووزهم
حريـــــــــــــمتهم
نصير شوكه ببلاعيمهم
bo bader:
ReplyDelete""تكرار هذه الأحداث يخيليني أتيقن أنها مو عفوية بل متعمدة"" !!
الله يخليك لا تضيق خلقى بروحى موصله حدي
الى متى هالتخبط بكل شيئ
ما له حد....!!!!!!ء
أهل شرق :
ReplyDeleteحرااااام عليك يااهل شرق
بطوفهاااا لك هالمره
لانكم بس شرقاوي
انا بروضة الشاميه
هههههههههههههه
Anonymous 2 :
ReplyDeleteمو ضروري ان يدرس فيها بس شوفتها كل يوم تعور القلب...هالمباني الجميله
تتحول من مدرسه الى نادي
حراااام ...حراااام
حتى لو كان المبنى منفصل...ما يصير يتحول مكان العلم الى مكان للرياضه
الله ما كبر الا البر...ينقون اي مكان فيه
الا الجزائر
عبدالله الكيفاني :
ReplyDeleteثانوية الجزائر مدرسة علم
تم بنائها بالخمسينات
وكانت شاهد على دولة الكويت الحديثه
درست فيها اغلب بنات الكويت
وخرجت قيادات نسائيه قادت كثير من الوزارات ومؤسسات الدوله
لذلك هي معالم الكويت
سؤال : الى الحين انت قاعد بالفرع..؟؟؟
Mamloo7a Q8ia :
ReplyDeleteاسفرت وانورت
واستهلت وامطرت
هلا بالشيخه الله يافرحتى فيج
حمدالله على سلامنتج يالغاليه
صج منورتناااا اليوم
جااان زين اخبارى مو صحيحه
على الاقل تبرد جبدي
حتى مدارسنااااا بيمسحوها من الوجود
انا ضد تغير اسم المدرسه هالمره يهدمونها ويحولونها الى نادي
العلم ما يكيل بمكيال
شر البلية ما يضحك
حياج الله
Amani :
ReplyDeleteهل تعتقدين ان التصوير يحل المشكله والا يبرد اللى فى قلبي
صورتها بقلبى من زماااان
بس اله لايوفقهم ولا يبارك فيهم
حسبي الله ونعم الوكيل فيهم
ما يعرفون ان هذه مدارس لها حرمه
حرمة العلم
ماكو فايده فيهم
عنيف :
ReplyDeleteشكرا للاهداء
بس مزاجي اليوم مو رااااااااايق
اذا تحسنت الحاله النفسيه مالك الا طيبة الخاطر
(:
خل نسوي حمله
ReplyDeleteتره المدونات طاخه هالايام
شعللها ولعهااا
بنت الشاميه
ReplyDeleteصووووووووووتج وصل
http://www.aljarida.com/aljarida/Article.aspx?id=115035
انشاء الله الناس بتعرف و تبدي تتحرك
ان درت الوالده بتكدر
ReplyDelete!!!!!!!
بالبببببببببركه
ReplyDeleteستريدا عائده وبقوه
فليحتر المحترون
شفيه حماد ؟
ReplyDeleteالسكر صاعد ؟
Q80 Blogger :
ReplyDeleteيالله على ايدك
نعين ونعاون
ماتقصر
lawyer :
ReplyDeleteلوير خرعتينى...قلت اااااابيه صوتى وصل وين...؟؟؟؟؟؟
بعدين فهمت
الله يسمع منج هذا تراثنااااا
ما نتنازل عنه
مشكووووره
ARTFUL :
ReplyDeleteاكيد...الله يعينهاااا
الجزائر خرجت اجيال واجيال
عاشقه للحكيم :
ReplyDeleteيستااااااهل الحكيم
وستريدا على راسنااا من فوق
الله يهنيهم
nEo :
ReplyDeleteلاسباب خاصه...طلب اعفائه
حالها حال مدرسة الشامية المتوسطة للبنين التي خرجت العديد من ابناء الوطن والمقيمين ....
ReplyDeleteتحياتي للجميع
اي والله المدارس القديمة تاريخ و تراث .. يعني صج انا من مواليد التحرير بس لما امر على هالمدارس احس بشعور غرييييييب
ReplyDeleteabo3li :
ReplyDeleteاهم خلوا لنا مدرسه بالشاميه
من المامون الى الشاميه بنين
الى سكينه الى الجزائر الحين
ترا درسوا فيها كل اخواني
وعيال عمامي
حياك الله
zoozoo :
ReplyDeleteاي والله وانت صاجه
اصلا مبانيها غير عن المدارس اليديده
تحسين بروحها وعراقتهااااا واصالتهاااا
الله يهديهم ويقعد قلوبهم
بنت الشامية
ReplyDeleteتصدقين اني كل اسبوع لازم امر على
روضة المهلب ومدرسة الصباح الابتدائية
ومدرسة المتنبي المتوسطة
طبعاً مافي مباني لكن اتذكر احلى
ايام عشتها بشرق
حسبي الله عليهم ضيعوا احلى الذكريات
بس انشاء الله مايصير بالشامية مثل ما
صار بشرق
http://www.youtube.com/watch?v=vMcRLQ4wDwY
ReplyDeleteهذي الاغنيه سامريه اسمها ما يفيد الصبر وبكاي
اعتقد انه ما يفيد الصبر والبجي بالوقت هذا بل بالتوجه للوزيره الحمود بإرسال كتاب حتى تتفهم الموقف الي يرسله المدونين والتثبت ايضا من المعلومه الي انشالله تكون خاطئه
عزيزتى
ReplyDeleteبالنسبة لمدرسة الغزالى
أعتقد ان اهيا ليلحين موجوده
بس غيرو اسمها من مدرسة الغزالى الى مدرسة عبدالعزيز حسين
ثانوية الجزائر لو بخيطان كان ما رديتي عليهم
ReplyDeleteفي اخبار غير مؤكده ان الشامية راح يكون فيها حكم ذاتي
ما مدى صحة هذه الاقوال
حاكي عقالي بي بي سي
من امام شاشة مدونة بنت الشامية
يا عزيزتي.. مادري ليش هالتوجّه في "الدولة" لطمس "القديم/الأثر" بشكل مبالغ فيه!! طيب رمموا هذه المباني ولتكن معلما "ثقافيا/سياحيا" للناس جميعا.. واستغلوها للمناسبات المتنوعة
ReplyDeleteكلما فكرت في الكويت ، تعبت
أهل شرق :
ReplyDeleteحسبي الله عليهم ضيعوا احلى الذكريات
تراك نسيت الخنساء
ان شاء الله يتغير الحال عندنااا
ويخلووون لنا الجزائر
مشكوووور
عنيف :
ReplyDeleteاللى بنقدر عليه كلناااا
لازم نسويه....والله يعيناااا
من وين لاقى هالسامريه..؟؟؟
يسلمووووووووووو
Anonymous 3:
ReplyDeleteلا اللى اقصده روضة المنصور القديمه اول روضه بشويخ
غير ""روضه النيل اللى بعدين غيروا اسمها الى روضة المنصور"" وبعدهااا حولوهااا الى مدرسة الغزالى
ابتدائي بنين
وتم اخلائها
والحين هدموهاااا وصارت حديقة عامه
غير عن مدرسة الغزالى اللى اسمها الحين مدرسة عبد العزيز حسين اللى على الدوره بشويخ
Enter-Q8 :
ReplyDeleteبالوليد شلونك ...شخبارك هالايام
الجو جميل وبديع هالايااااام
AuThoress :
ReplyDeleteحبيبة قلبى واللى حاز بنفسي
انها من المقار الانتخابيه النسائيه اول مره بحياتناانتخبنا فيهااااا فهذا بحد ذاته له يزيدهااا مكانة خاصه
غير انها من اوائل ثانويات البنات العريقه خرجت اجيال واجيال
والمباني قويه وما فيهاااا اي شيئ
كل ما قالوا ...المباني آيله للسقوط
لاحول ولا قوة الا بالله
شلون الجو عندكم..؟؟؟
(:
وينج ترى فاقدتج من غير شر
ReplyDeleteمالج من العاده
ليكون نصبتي لج خيمه يم ثانويتج واعتصمتي هنااااك
ترى احنا نعين ونعاون
ماي
جاااي
فييييمتو
شوية قروضااات
شاورما تالي الليل
:)
مساج الله بالخير
حبيت اسلم واتحرش فيج شويه
:*
الزين :
ReplyDeleteلا خلا ولا عدم
ما تفقدين غالي يالغاليه
ههههههههههههههههههه
حطيت خيمه شكبرهاااا بموقف المدرسه
وحطيت لافتاتي ووزعت منشوراتي بكل
مكان... بس اليوم يتني البلديه
ومشوووووني...قلت لهم هذا اعتصام سلمي
قالوا يالله شيلي اغراضج رجعي بيتج احسن لج....وبما اني دياية ام احمد
ظفيت غريضاتي ورديت بيتنا
بس الاعتصام لازال قائم من امام بيتنا
الاستقلال التام او الموت الزآااااام
شكرا لمساندتج ودعمج المااااادي
الله فيمتووووووووووووا
يعطيج العافيه
خواتي الكبار كانوا يدرسون بالشرقية وبعدين بالخنساء وبالثانوية كانوا بالتجارية .. اما الصغار كانوا بمدرسة خديجة الابتدائية وبالمتوسط
ReplyDeleteفي الخنساء
آآآآآآآآآآآآآه ياشرق
اسف على التاخير ..الجزائر سوف تكون موجوده في السنه القادمه والازاله السنه اللي بعدها والان يبنى حمام سباحه كبير بالزاويه المقابله للمخفر الجديد وهي بداية لمشروع النادي
ReplyDeleteوانصحكم ان تكلموا محمد الصقر والعم بوعيس خالد العيس الصالح هو قادر ان يكلم العووود والا الموضوع ترى بالطريق
والسفر لبنان اول الوقت والنهايه لندن ويمكن نمر باريس نشتري خلاجين الماركات اللي طاف وقتهم للظروف الاقتصاديه
بعد اشتبين """تعبتينا انتي ومنطقتكم
يالله العافيه ودفئ الستر
أهل شرق :
ReplyDeleteعيل مالك الا تمر علي شرق كل اسبوع
الظاهر سرك مقطوع هناااااك
انا مدرستى الابتدائيه والمتوسطه
امسحوهااااا من على الارض
ما لهاااا اى معالم الا بذكرياتي
ما نقول الا لله كريم
mob :
ReplyDeleteيعطيك الف عااافيه
ادري تعبت وايد بس الشااااميه ستاااهل من يتعب عليهاااا
انا سويت كل اللى اقدر عليه واللى بايدي....وما راح اسكت...اتمنى من الاخرين ان يتحركون معااااي
وبعدين كثروااا من الخلاقين
ترا شهر اكتوبر كله عروس وحفلات
وما كو حجز الويتج لست من هنى لى ثانوية الجزائر
لوووول
رحلة سعيده
wai la2 ma atwg3 ;S thnwetiii
ReplyDeletea7la sh3or lama amr yamha mo 3ala kefhOm:@
lget ur post mn group belfacebook 7g althnweyh ;D
http://www.facebook.com/home.php?#/group.php?gid=97984718850
مو على كيفهم يصكروونهااا شنو توني داشتها ويصكرونوها مامدااني :@
ReplyDeleteبس انا قريت من موقع اخبار انه ماراح يصكرونها يقولون انهم بسوون جذي بكل مدارس الكويت عشان الطلاب يمارسون اشياء تونسهم مثل البولينغ وجذي وانشالله يطلع صح !!!
ماخلو شي باجر بهدمون بيوتنا على روسنه
7ada mo mn 9ighom 3ad wayid memories 7ilwa feha rawthat il shamiya
ReplyDeleteببساطة غيرت نظرتي عن ايطاليا فصحيح فهناك أُناس يحيون المنطقة بجمال ابداعهم وهناك أُناس يميتون جميل ماقدمت وسطرت عمدتنا واضح إنّ لوقانو اجمل شاكر لك ومتابع ومستمتع هولمز
ReplyDelete