Sunday, July 27, 2008

Edgware Road W2






سفراتى الى لندن دائما قصيرة وخاطفه أيام الشغل
بس هالسنه قررت أن أزورها أطول مده ممكنه
وأعيد فيها ذكريات الطفوله والشباب والشقاوه
وفعلا سويتها بس بالشتاء.....لإنى أحبها بالشتاء
ومن إكتشافاتي فيها ((((بتضحكون علي))))))) ش
شارع أجورد رود......بس كانت معاي صديقة الدرب
والشباب بذيج الايام مع ريلها ....ادري العالم
مكتشفينه قبلي من زمان وفيه خدمات عظيمه
لزوار عاصمه الضباب من العرب والمسلمين
أيام زمان كنت أحرم على أهلى مجرد المرور عليه
لإنه كان عندى مجرد المرور عليه تهمه
طبعا هذا زمااااااانات مع أهلى......قبل الزواج لووول
بس هذه السنه إكتشفت فيه خدمات عظيمه وجليله
للشعب العربى الأكاااال والبلاع والمراض
وكل شيئ يوصلك للبيت وبرسم الخدمه
هذه الخدمات لايمكن أن تجدها
بأي منطقه أو شارع بلندن وفى إوروبااااا كلها
مثلا كراتين الماي الثجيلة وحاجاتك
توصلك للبيت
بقالات فيها كل ما يخطر على بالك
صيدليه فيها دكتور نايم على الكرسي
مستعد يكتب أي دوا لزوار الليل خاصه مقابل اجره
قهاوي........مطاعم.......سفريات.....انترنت
تأجير شقق.....وسيارات للمطار.......مستشفيات
عمليات تجميل.......برامج تنحيف.....شفط دهون
شراء تذاكر مباريات الدوري والكاس الانجليزي
الخ
الخ
خدماااااااات عديده .....وبأسعار معقوله جدا
طبعا سؤالى لكم
شنو يعني لكم شارع أجورد رود.......؟؟؟؟؟؟؟؟؟
هل هو أمن أو مصدر قلق لك......؟؟؟؟؟؟؟؟؟؟
at

73 comments:

  1. AnonymousSunday, July 27, 2008 at 1:26:00 AM GMT+3

    شارع الربادة :)

    الحمدلله عالسلامة

    ReplyDelete
  2. بنت الشاميهSunday, July 27, 2008 at 1:27:00 AM GMT+3

    صار لى ثلاث ايام من وصلت لندن
    وكنت محتاره بين شارعين ودى اشارككم فيهم واخذ رايكم
    شارع اجور رود
    وشارع هارلى سيتريت
    بس لقيت ان اجورد رود طابقنى من بلاعيمي من وصلت لندن
    بعد ما اكتشفت انه امن امن امن شتاءا وصيفا
    هل سبب هذا الامان.... وجود بيت بلير وزوجته
    ء(ر ئيس وزراء بريطانيا العظمى ) بالقرب منه
    الله اعلم

    ReplyDelete
  3. AnonymousSunday, July 27, 2008 at 2:13:00 AM GMT+3

    أشوه!!! بيتنا خلف اودجور رود

    بس كلش مانستغل الخدمات اللى ذكرتيها

    كراتين الماى وحاجات الجمعيه
    نطلبها اون لاين من تيسكو

    بس للاسف ماعندهم طبيب نايم

    للوصفات الطبيه


    وين صاير بيت بلير؟؟؟؟

    ReplyDelete
  4. kuwaitawySunday, July 27, 2008 at 3:22:00 AM GMT+3

    صباح الخير بنت الشامية


    بالنسبة للامان بشارع اجور رود

    وبما اني موجود في بريطانيا من فترة طويلة وازور لندن اكثر من ويك اند

    وانا الحين قاعد اكتب هالكومنت وانا بلندن وقريب من شارع اجور رود



    حسب معرفتي ان الشارع لم يعد خطر بعد الان

    لأن قبل اذا الكردي سوا مشكلة ما يقدرون يسوون له شي بحكم ان العراق كان محاصر

    اما الان

    العراق حر


    الحين اهم يخافون من المشاكل عشان لا يردونهم ديرتهم


    هذي وجهة نظري من الموضوع



    بالنسبة لي انا


    ما اروح لندن الا اذا كنت يوعان او ابي احلق :)


    خو اكل الكلية ما ينبلع الله يديم النعمه



    تقبلي تحيات كويتاوي من لندن

    ReplyDelete
  5. MokSunday, July 27, 2008 at 4:24:00 AM GMT+3

    اي يا بنت الشامية ذكرتني في الماضي البعيد وقبل الغزو :)

    راحت ايام اجورود تسيدوا فيها العقد وابوعرقه

    ولا احب اقرب صوبها


    واحذري من اجورد ترى اسعارهم دبل بقية المحلات البعيدة عن
    اجورد يستغلون اهل الخليج

    عموما اجورد الان ايب المرض وخاصه من جهه باركويس
    :)

    ReplyDelete
  6. Q8-MaNaLSunday, July 27, 2008 at 7:46:00 AM GMT+3

    بما ان شقتنا خلف اجورورد فمجبورين كل مرة نروح لندن نمر في هالشارع التعيس
    طبعا اتعس شي في هالشارع اهما الناس اللي قاعدين مبسطين مع الشيشة و يخزون الرايح و الراد

    و ما انسى الأكراد اللي كانوا في تاريخ 2/8 من كل سنة يحذفون جدور و بيض على روس الكويتيين !

    تقريبا اجورورد حاليا نقدر نسميه سوق شعبي

    تحياتي

    ReplyDelete
  7. AnonymousSunday, July 27, 2008 at 8:14:00 AM GMT+3

    i agree with kuwaitawy, also the started kicking the kurds out of london like scotland, aberdeen, if they did any problem :P

    3amo 6ony blair lives near the iraqi restaurant ilmaskoof!!

    and 7amdlilah 3ala ilsalama

    ReplyDelete
  8. أبو جيج يدور نعالهSunday, July 27, 2008 at 9:24:00 AM GMT+3

    الأخوة تكلموا عن عصابات الأكراد و تهديدهم المستمر لأمن مرتادى هذا الشارع من خليجيين....و لا أتوقع بأن هذه المشكلة إنحلت حتى الآن

    و لكن هذا ما يمنع من القيام بزيارة خاطفة لإسترجاع ذكريات فترة السبعينات و الثمانينات (بالنسبة لى)...فمن إدجور روود تعلمنا الكثير من (الظواهر السلبية الوكيحة ) و العادات (الدخيلة) ....و ما زالت هذه الظواهر موجودة و بوفرة هناك و بالتالى لا غنى لأى خليجى عن هذا الشارع الوكيح....يجد فيه راحته و يزاول فيه أنشطته الغير متماشية - بتاتا- مع عاداتنا و تقاليدنا و تربيتنا الإسلامية - و العياذ بالله



    شكرا على الصور المعبرة...و الله شميت ريحة (خياس-عطنة-تلوث ديزل-دهن شاورما-جدر مطبق سمك على النار-معسل تفاح) إدجور روود المميزة منها

    ReplyDelete
  9. kazmawySunday, July 27, 2008 at 9:30:00 AM GMT+3

    هلا ببنت الشامية جواروود شارع التمشى والفرارة
    ولا تطوفين سوق السبت الى فيه
    بسطات بس شغل زقرت اشياء عجيبة وغريبة
    تلقينها اخر الشارع عند الجسر تروحين مشى تقريبا عشر دقايق
    ..
    الشى الثانى انا اعرف عيال الشامية بيت بيت
    شوفى محد منهم يروح لندن ويطول فيها الا عيال ق 10 او 9 او 1

    ReplyDelete
  10. enter-q8Sunday, July 27, 2008 at 9:39:00 AM GMT+3

    قبل مو اللحين يا حجيتنا

    اخر مره طبيت فيها لندن و قعدت فيها ما راح تصدقين
    96
    و بعدها ما اطبها الا ترانزيت بس
    على ما اظن اللحين صار من اسوء الى اسوء
    يعني انا اخر مره اطلقت عليه
    ملتقى مرافقين العلاج بالخارج
    عاد انتي فهميها

    ReplyDelete
  11. lawyerSunday, July 27, 2008 at 9:53:00 AM GMT+3

    وييييييييييييييييييع اهلق مكان بالدنيااااااااااااااااا

    ماوااااااااااااطنه بعيشه الله

    انا عندي اجوارود مو لندن اصلا

    ههههههههههههههههه

    جليب الشيووووخ

    يمكن
    بس مو لندن

    ظييييييييييييم

    اخر مرا رحنا لندن
    رحنا ندور فلفل هندي

    ومالقيناااااااااااه

    بس بليييييييز
    كتبي المقاطعه العراقيه في لندن

    لا تظلمين الانجليز بهالشارع

    انا رفيجتي ساكنه في اخره عند المارليبون
    فكنا نمره

    لكن ما اشتييييييييييييييه

    لا شتاااااااا
    لا صيييييييف



    بنت الشاميه اذا انتي هناك
    بليييييييييز لا تخلين روحااي
    نوتينق هيل

    احبهااااااااا

    ReplyDelete
  12. Seattle dudeSunday, July 27, 2008 at 9:58:00 AM GMT+3

    ee walla share3 el ribada lol

    ReplyDelete
  13. Athoob AlshuaibiSunday, July 27, 2008 at 11:28:00 AM GMT+3

    بالنسبة لي . شارع الاجوررود يعنيلي التالي

    جبن قلاص كرافت

    كنافة

    و مروش !


    طال عمرج المحروم من هالسوالف يطب هالشارع عشان هالاشياء هذي
    ويرد بيتهم :)


    بس الواحد يستحي يتكلم كويتي هناك
    مفضووووح .. لاتنسون نفسكم هناك ;p

    ReplyDelete
  14. Blog 3amtySunday, July 27, 2008 at 1:19:00 PM GMT+3

    مثل طريج جبد !

    مالي علاقة فيه

    :P

    ReplyDelete
  15. molokSunday, July 27, 2008 at 1:33:00 PM GMT+3

    الشارع اللي احس ان ماله معنى اقعد فيه بلندن .. ليش اسافر عشان اشوف كل شي نفس اللي موجود عندنا بديرتنا وماحواليها ..

    انا بالسفر احب اغير كل شي ومااشوف ناس اعرفهم ..

    طبعا ماله اي ذكريات حلوه لاني مااطبه كلش ..

    ReplyDelete
  16. haifaSunday, July 27, 2008 at 2:31:00 PM GMT+3

    شوفي هالشارع ما اشتهيييييه كلش بس لازم امره وباستمرار عشان المكتبات العربية .. تبين الصج كلهم ربعي هناك

    ببداية الشارع تحصلين محل الكترونيات باناسونيك ونصه مكتبة .. هذا حق شايب مصري عسل وولده..

    بعدها اكو مكتبة مدخلها ضيج وطويلة صايرة جنها ممر طويل يبيع فيها مصري اسمه انور مادري للحين موجود او لا ..

    وبنص الاجور رود اكو مكتبة داخل محل صيرفه .. الحلو فيها ممكن يوفرون لج الكتب ..

    غير هالشي ما انصحج عدا بالسيفوي الي باخر الشارع اذا عندكم شقة بلندن وتقعدون فيها فترات طويلة .. اسعارهم حلوة .. البقالاات العربية نار وافضلها الوادي الاخضر ..

    اتمنى لج اقامة ممتعة

    ReplyDelete
  17. هذيانSunday, July 27, 2008 at 3:05:00 PM GMT+3

    على طاري بيت بلير اللي خلف مروش السوبر ماركت اللي تبيع اللحوم ,,,تبين المتعة فيه بالشتاء بعز هالبرد والمطر أذا شفتي بلير طالع يمشي رياضة يا زينه زوقة ؟؟
    اتصدين شلون عرفت هالمعلومة أخت سايقنا هناك اصرت يوم امر عليهم اشرب القهوة عندهم شوي جان يناديني السايق العراقي ست هذيان تعالي شوفي واطلعلك وإلا بلير يمشي سأل السايق شنو اللي يايبه هنيه رد علي قالي بلير جارهم أبد بيته لزيج العماره اللي ساكن فيها السايق العراقي

    عليك الله سايق وجاره رئيس وزراء سابق وين تصير غير بلندن

    ReplyDelete
  18. هذيانSunday, July 27, 2008 at 3:08:00 PM GMT+3

    جلوستر سكوير


    تعرف جمعيةمروش اللي يم مطعم مروش لف بظهرها بيت بلير

    ReplyDelete
  19. كويــتي لايــعه كبــدهSunday, July 27, 2008 at 3:47:00 PM GMT+3

    الحمد لله على السلامة
    سفرة العافية


    اللي بيروح لندن حق اجور رود
    يروح حولي ارخص

    فيه كل اللي قلتي عنه وزياده وبنفس الاشكال

    الواحد رايح يغير ويهج من هالاشياء مو يدورها

    ReplyDelete
  20. AnonymousSunday, July 27, 2008 at 3:51:00 PM GMT+3

    ماشاءالله وتبارك الله. كلكم كشخة وطقه ويع هلاقه اجور رود. بس عشان تبينون انكم مختلفين؟ أحسن من غيركم؟
    الله يعينكم على امراضكم النفسية - الاجتماعية

    ReplyDelete
  21. اجار الدين كشمشSunday, July 27, 2008 at 6:50:00 PM GMT+3

    لا مالت على ايجورد ولا على بلير ولا على مادونا الي بيتها اول مارليبون

    koc
    والله انك سبقتني ..اشعليك من خرابيطهم كلام بمحله !!1

    يبتي الشارع ييب يابنت الشاميه اكتشافج بتحول ايجورد الي ملك الخدمات
    ضربه خليجيه مميزه
    وازيدج اصبح سياسيا ايضا...!!!!1

    انا عندي راي للمعلقين لا تخلطون بين السكن في الاوتيل اسبوعين.. وبين المده الطويله ب 3 الي4 اشهر للمرضى الله يحفظكم وكذلك ملاك الشقق

    من يصلح النت والفضائيات بعد كل عاصفة هوى بالليل
    ؟
    من يدق الوالدين ابره بشققهم ؟
    من يفكنا من دلع المعاريس اذا بجح ولدها طول الليل واقعدت تصيح وادق على امها بالكويت
    شسوي شسوي عوشوا ملافع ماهي سااااكته يماااه بتموت بتموت من الصراخ ؟

    ما غير الدكتور كاظم يطق جنطته وايي طاااير ..يقطر باذن عوشو ويدبخها ويسكت الام ..لا تروح تقول حق امها حمولتي ما قاموا فيني ..ويغسلون ولدنا وعليه علييه ؟

    بعدين ياايها المصطافون من رادكم عن نيو بوند ونايتس ابرج والريوق بسيلفرجز وايسكريم ليستر سكوير
    هذا غير وهذا غير ..البوست يتكلم عن اكتشاف الخدمات المميزه التي صارت فيه بعد الغزو
    والامان بعد تحرير العراق

    ومقهى كوستا ايجورد كله سياسين العالم العربي ومفكرينها
    من اياد علاوي الي العم محمد العدساني
    الي سفيرنا ياتي في البريك الساعه12
    وهذا خلال 10 شهور مو بألشهرين الي عريب دار
    يصطافون فيها

    والي يبي الرباده والصياعه موجوده بجميع الشششششششششوارع

    والله يابنت الشاميه ...اشلون طرا على بالج كراتيين الماي ...صج صج انهم عله
    ومشترى البندووول جنه بينقطه من العالم ؟ اشدعوه

    ههههههههه

    فمالله

    ReplyDelete
  22. Snow WhiteSunday, July 27, 2008 at 10:07:00 PM GMT+3

    ما أطب لندن بالصيف هونت! هذاك أول أيام ما كنت ياهل كنا نسافر بالصيف مع يدي الله يرحمه ونقعد بشقته في بيكر ستريت وأذكر يدي إذا راح لندن يرجع ويايب معاه كرتون فليك يوزعه علينا الله يرحم أيام زمان حتى الكاكاو كان شي عندنا :)

    آخر مره رحت لندن كان أولت العام في شهر ديسمبر ووايد أشياء تغيرت علي لأن خبري فيها من سنة 1998! كان الجو حلو براد ومطر والشارع كله زينه بمناسبة الكريسميس ونيويير وماكو زحمه مثل الصيف..العادة نقعد في فندق بورتمان ساس بس هالمره غيرنا وقعدنا في ماربل آرج خوش فندق :)

    ReplyDelete
  23. joyMonday, July 28, 2008 at 12:01:00 AM GMT+3

    شارع الهيلق
    وممنوع علينا ندخله
    اللا ويا اهلي حق الايراني او اللبناني
    فقط
    ولا يسمح لنا اباي محل او حتى مجلة نشتريها



    بالبنط العريض كان تخرووعة
    واعتقد اني اشكرهم الف مرة اني ماحتجت اروحله
    الله يا لندن وايامها من زمان مارحت

    ReplyDelete
  24. joyMonday, July 28, 2008 at 12:04:00 AM GMT+3

    اي صح ابوي بس يروح يشتري جرايد وخبز لبناني
    تدرين شياب لازم
    وجناط الشحن
    هيهيهيههي

    ReplyDelete
  25. بنت الشاميهMonday, July 28, 2008 at 1:01:00 AM GMT+3

    مُحَسّدْ :

    الله يسلمك.....بس ترا جد ما ارضى على اجورد رود

    ReplyDelete
  26. بنت الشاميهMonday, July 28, 2008 at 1:06:00 AM GMT+3

    جلوستر سكوير :

    بس حطوا بالكم على كروتكم....لا يلعبون فيها....ترا صارت فينا الحرص واجب......وتمشوا الى اجور رود وطلقوا رويلاتكم احسن لكم....لووووول

    اما بيت بلير روحى بم مطعم المسقوف وامشى سيده حنج رايح اجور رود و لفى بعدين يمين وبيته رقم 10 او 12 بيت جدامه حراسه شرطه

    ReplyDelete
  27. بنت الشاميهMonday, July 28, 2008 at 1:11:00 AM GMT+3

    kuwaitawy :

    كلامك كله صح....وخفت الجرائم بهالشارع
    وصار اكثر امن من قبل
    شكرا للمعلومه المفيده
    واذا تبى اكل زين بس دز لى ايميل وايك الاكل مطبوخ برسم الخدمه لمكانك
    هههههههههه

    ReplyDelete
  28. بنت الشاميهMonday, July 28, 2008 at 1:22:00 AM GMT+3

    Mok :

    ههههههه جايده العقد وابو عرقه
    بس بو عرقه يمشون مثل الساعه الحين
    وكل شيئ تمام الربع خايفين من التسفير ....وبدام انا امشى فيه فالامن مستتب ..لوووول...اخوف منى ماكو بالدنيا!!!!!.....بس الامور جميله
    و الاسعار ما تهم بس الاهم ان
    الحاجات توصلنى الى باب الشقه
    جني مطرشه السايق الجمعيه
    هذى خدمات جليلة لربة البيت
    وبعد حتى ماركس سبنسر عنده خدمة توصيل مشتريات الاكل للبيت
    هذى معلومه حقك....ههههههههه

    ReplyDelete
  29. charismaMonday, July 28, 2008 at 1:25:00 AM GMT+3

    ما ادرى ليش وانا اقرى البوست طرت على اغنيه زمان الصبا يا زمان الصبا حق عبدالمجيد

    :P

    اصدقين بنت الشاميه ما احب لندن
    وكل ما اطبها ينقمت قلبى ما اتقبل حتى استانس فيها حدى استعسر هناك
    ://

    استمتعى حبيبتى وعلييج بالف عافيه
    احلى شعور انج تعيدين ذكرياتج بمكان لج ذكريات حلوه فيه
    :**

    ReplyDelete
  30. بنت الشاميهMonday, July 28, 2008 at 1:38:00 AM GMT+3

    Q8-MaNaL :

    اول كان عندى من اتعس الشوارع بس الحين هو الحل السحرى لى
    ههههههههه
    وفى الشارع تقابلبن جميع المستويات والاشكال من مخاليق ربنا
    يعنى هو شارع تجدين فيه جميع انواع الخدمات الاساسيه للعائلة متجمعه فى مكان واحد

    ReplyDelete
  31. بنت الشاميهMonday, July 28, 2008 at 1:43:00 AM GMT+3

    ameen :

    صح الاكراد العراقيين
    صاروا مضبوطين هالايام

    وبعد يقولون مادونا يم بيت بلير بس ما ادري وين..؟؟؟؟
    والله يسلمك

    ReplyDelete
  32. بنت الشاميهMonday, July 28, 2008 at 1:55:00 AM GMT+3

    Bo Jaij :

    هلا باهل شويخ وهلا بريحة الحبايب

    الله يهداك عطيتنى صورة ثاااااا نيه غير عن خدمات اللى يؤديها شارع اجور رود....خدمات ما اعرفها ولا ابي اعرفها
    ههههههههه
    ابي اعرف اسماء وارقام تلفونات مطاعم ...بقالات.....شركات تصليح تلفزيونات. ........صيدليات ستلايت.....انترنت......كهربائي
    صحيه.......كل شيئ جديد بالشارع
    كله هوم ديلفري لو سمحت

    بس عجبه ...الشارع الوكيح
    خووووووش تسميه
    لووووول

    ReplyDelete
  33. lwatan-ajmalMonday, July 28, 2008 at 2:04:00 AM GMT+3

    الصراحه ما احب امر فيييييه مع اني رحت لندن مره جني قاعد بشمال العراق

    ReplyDelete
  34. بنت الشاميهMonday, July 28, 2008 at 2:04:00 AM GMT+3

    kazmawy :

    ايه والله ذكؤتنى بسوق السبت يونس وتشتري منه كل الاغراض الضروريه
    مشكور انك ذكرته
    وبعدين ليش نسيت قطعة 5....طايح فيهم فار....لا يبه اهل قطعه 5 راحوا
    لندن قبل اهل قطعة 10,9,1
    لووووول
    ولا بعد نسيت قطعه 7 اللى توه طالع لنا بالبخت
    الظاهر انك مضيع بالشاميه
    والا زادوا البيوت عليك
    ههههههههه

    ReplyDelete
  35. بنت الشاميهMonday, July 28, 2008 at 2:09:00 AM GMT+3

    Enter-Q8 :

    مو اهم اكثر رواده ومساكين اغلبهم ما بعرفون انجليزي.....وشارع اجورد رود قايم فيهم قومه...مسهل لهم الحياة اليوميه
    بس لا تخاف صار من احسن الى الاحسن

    ReplyDelete
  36. بنت الشاميهMonday, July 28, 2008 at 2:17:00 AM GMT+3

    lawyer :

    لا حرام عليج لوير لا تظلمين اجور رود
    تراه خوش شارع ...واذا تبين فلفل روحى الوادى الاخضر يهبل الفلفل عنده
    وجان زين جليب الشيوخ جذى ....جان محد يسافر الكويت تكون حنه
    اذا الجليب جذى عيل السالميه شتطلع نايتس بريج
    يمكن خبرج فيه عتيج
    اما نتيج هيل....تهبل ياحلو التمشي هناك ترد الروح

    ReplyDelete
  37. بنت الشاميهMonday, July 28, 2008 at 2:18:00 AM GMT+3

    Seattle dude :

    ليش شارع الرباده...؟؟؟؟؟

    ReplyDelete
  38. بنت الشاميهMonday, July 28, 2008 at 2:21:00 AM GMT+3

    athoob :

    اكيد هلشارع الواحد بس ياخذ اغراضه منه ويروح.....ما فيه من المتعه ولا نقطه....بس الخدمات الجليله فيه تحتم على الواحد المرور عليه
    مجبر صاحبك لا بطل

    ReplyDelete
  39. بنت الشاميهMonday, July 28, 2008 at 2:22:00 AM GMT+3

    Blog 3amty :

    ليش وعليه عليك
    عمتك ما تخليك

    ReplyDelete
  40. بنت الشاميهMonday, July 28, 2008 at 2:30:00 AM GMT+3

    molok :

    كلامك صحيح اذا كنت انت بروحك
    بس لما تصير عايله ويدك ويدتك معاك
    لازم تمر هالشارع وتشترى حجاتك منه
    مرغم ...مرغم....مرغم
    لوووووول

    ReplyDelete
  41. بنت الشاميهMonday, July 28, 2008 at 2:34:00 AM GMT+3

    haifa :

    مكتبات اجور رود وايد متواضعه
    والربع يدخلونها يشترون كروت تلفونات
    بس والا يصرفون الفلوس.....ههههه
    بس والله اذا انت مهتمه بالمكتبات روحى كوينز ويه...فيه مكتبات وايد
    ومشكورة على الامنيه الحلوه

    ReplyDelete
  42. بنت الشاميهMonday, July 28, 2008 at 2:39:00 AM GMT+3

    هذيان:

    يعنى معلومتى صح ان وجوده احد اسباب الامان بشاع اجورد رود

    ReplyDelete
  43. بنت الشاميهMonday, July 28, 2008 at 2:44:00 AM GMT+3

    كويــتي لايــعه كبــده :

    خوا نروح نشترى اغراض منه مو ننام فيه....كل اللى استغرقه من الوقت شيلت التلفون للوادى الاخضر واوصيه على الحاجات ......وهو ايبهم للشقه
    وبعدين اذا عندك طباخ ما ينحاش بلندن دزه لى لو سمحت....ولك منى ما اطب اجور رود....ولا اشوف اشكالهم
    لووووووووووووووول

    ReplyDelete
  44. بنت الشاميهMonday, July 28, 2008 at 2:51:00 AM GMT+3

    KOC :
    لا حرام عليك هم ما يقصدون حذى
    ولا يروح فكرك بعيد ....بس هم شباب ولا عندهم احتياجات فعليه لاجورد رود......مو قضيه امراض نفسيه او اجتماعيه.....الرحمه بالناس زينه

    ReplyDelete
  45. بنت الشاميهMonday, July 28, 2008 at 3:00:00 AM GMT+3

    اجار الدين كشمش :

    هههههههههههه

    الظاهر كراتين الماي عليك.....صج من يقدر يشيل الكرتون ويصعده الى الشقه
    مشكله ....وبعد لو مو الهنود ما ينحاشون جان ماكو مشكله بس هالنحشه اللى مدوده الواحد ومخلينه يتحمل كل التعب....حسبي الله عليهم منقصين السفره علينا
    اما خدمات اجور رود وصفتها احسن من بوستى ....فيه خدمات جليله
    محد يقدرها الا المحتاج لها
    اما كوستا .....صارت مقر سياسي وفكري ....هذى اول مرة اسمع فيه
    من باجر بسطر فى كوستا من الصبح الى الليل.....وكتب لكم اخبارهم
    لووووول

    ReplyDelete
  46. بنت الشاميهMonday, July 28, 2008 at 3:03:00 AM GMT+3

    Snow White :
    لندن بالشتاء لها طعم غير...مختلفه عن الصيف...واذا كانت معاج صحبه قريبه من قلبج....بعد الواحد ما يبي اكثر من جذى

    ReplyDelete
  47. بنت الشاميهMonday, July 28, 2008 at 3:08:00 AM GMT+3

    joy :

    صج اول كان تخروعه اصلا كنت اخاف امر فيه.....ولا بعد كل يوم الاحد مظاهره يمرون فيه العصر....زود تصرقع لى
    بس الحين هدت الاوضاع فيه نوعا ما
    معلومه صغيره : ترا الحين كراتين للشحن
    مو جناط اخف ...لووووول

    ReplyDelete
  48. بنت الشاميهMonday, July 28, 2008 at 3:11:00 AM GMT+3

    charisma :

    فهمتيني على طول...هههههههه
    بسوالله كريزما لازم تسافرين وياي لندن علشان اغير فكرتج عنها......تراها شرحه وتونس والهيله فيها من الصبح الى الليل.....يكفى المشي فيها....ما تملين وانت تمشين .....منها رياضه ومنها اناسه.....فكرى بالموضوع جد
    لووووول

    ReplyDelete
  49. بنت الشاميهMonday, July 28, 2008 at 3:12:00 AM GMT+3

    lwatan-ajmal :

    لا الحين الجاليات اللى فيه صاروا متساوين بالعدد
    لووووول

    ReplyDelete
  50. haifaMonday, July 28, 2008 at 7:48:00 AM GMT+3

    لا حرام عليج فيها روايات نموت مانحصلها هني .. انتي لا تطالعين كتب الفضايح الي برا دققي بالكتب داخل .. اخر مره اخذت منهم كتب وايد للقصيمي وروايات كنت ادورها من زمان مثل الخبز الحافي والشطار .. امن كوينز وي اشهر مافيه دار الساقي .. وهذي عادة لازم اروح لها ثاني يوم دايركت لان مو كل اصدارات الساقي متوفرة فيطلبونها لج من لبنان يعني تاخذ لها اسبوعين

    ReplyDelete
  51. DiLLi O MiLLiMonday, July 28, 2008 at 3:39:00 PM GMT+3

    بـــــــــــــل لااااااا يحــوووووووشج

    ReplyDelete
  52. Don JuanMonday, July 28, 2008 at 6:59:00 PM GMT+3

    رحت لندن مرتين و انشالله في مرات قادمة لأني حبيت هالمدينة

    لكن كلش كلش ما طبيت هالشارع .. أكسفورد و بالغصب بلعته من كثر العرب هالدوب أدش شارع فهد السالم الي بلندن و أفتر عند دوار الكرد ... مستحيييل ;D

    have a nice trip :)

    ReplyDelete
  53. فريج سعودTuesday, July 29, 2008 at 3:30:00 AM GMT+3

    مصدر قلق خصوصا مع تواجد العراقيين بكثرة بعد تحرير الكويت وقبل تحرير العراق

    ReplyDelete
  54. AnonymousTuesday, July 29, 2008 at 7:42:00 PM GMT+3

    بنت الشاميه + هيفا ......... رجاءا وين صايره دار الساقي بكونز وي ؟؟؟؟؟ دلوني اذا الوايت لس على يساري وشرحوا عدل الله يرحم والديكم

    ReplyDelete
  55. ولد الديرةWednesday, July 30, 2008 at 12:20:00 AM GMT+3

    يعني لي

    الهلاقة بكل ما تعنيه هذه الكلمة من معنى

    للأسف

    عاصمة المتاحف والمسارح

    الناس نخليتها عاصمة الشاورما

    ReplyDelete
  56. بنت الشاميهWednesday, July 30, 2008 at 1:44:00 AM GMT+3

    haifa :

    مشكوره على هالمعلومه ...المرة الثانيه اركز على كتبهم
    شكرا

    ReplyDelete
  57. بنت الشاميهWednesday, July 30, 2008 at 1:46:00 AM GMT+3

    DiLLi O MiLLi :

    هههههههههههه ....قنلها قبلج
    وايه اليوم اللى احتجت فيه خدماااات شارع اجور رود

    ReplyDelete
  58. بنت الشاميهWednesday, July 30, 2008 at 1:47:00 AM GMT+3

    Don Juan :

    كيفك...بس فيه خدماااات ما تلقها باي مكان......!!!!!!!ء

    ReplyDelete
  59. بنت الشاميهWednesday, July 30, 2008 at 1:48:00 AM GMT+3

    فريج سعود :

    هذا كان اول الحين صاروا بو عبود

    ReplyDelete
  60. بنت الشاميهWednesday, July 30, 2008 at 1:49:00 AM GMT+3

    Anonymous :

    عنوان مكتبة الساقى


    Al Saqi Books 26 Westbourne Grove, London W2 5RH
    Tel: (020) 7229 8543 - Fax: (020) 7229 7492

    ReplyDelete
  61. بنت الشاميهWednesday, July 30, 2008 at 1:51:00 AM GMT+3

    ولد الديرة :

    بس خدمااااااات الشارع تحليه
    وتبعد عنه شبح الهلاااااااقه
    لوووووول

    ReplyDelete
  62. haifaWednesday, July 30, 2008 at 8:47:00 AM GMT+3

    Anonymous

    خل اعطيك وصف لان بنت الشامية وفرت مشكورة العنوان مكتوب ..

    اكو محطة باصات موجودة براس اجور رود .. يكون الاكسفورد وراك الاجور رود يمينك والهايدبارك يسارك .. اصعد الباص واطلع سيدة وخل يوقفك عند محطة الكوينز وي .. بتكون على نفس الامتداد بس بعد محطتين باص تقريبا .. طبعا راح يوقفك براس الشارع .. اخذه سيدة لنهايته لغاية مايعطيك خيار يمين او يسار .. اخذ يسار راح تحصل دار الساقي على يمينك

    طبعا حاول تروح لهم مبجر وتكون متفرغ لهالمشوار .. لان كتبهم وايد ومكدسه وتحتاج وقت ومزاج ويكون ماوراك شي

    اتمنى يكون توصيفي وافي
    وحاضرة لاي استفسار

    ReplyDelete
  63. AnonymousWednesday, July 30, 2008 at 10:22:00 AM GMT+3

    هيفا توصيفج يضيع..... اللحين انا وصلت كونز وي من شارع البيزووتر رود يعني السكيتنغ اذا انتي من جيلي لما هبينا فيها بالثمانينات وين اروح .... او اذا الوايت لس على يساري قريب اروح مشي ؟؟؟ مع خالص شكري واحترامي لكم جميعا !

    ReplyDelete
  64. KQ8Wednesday, July 30, 2008 at 12:51:00 PM GMT+3

    احبذ الذهاب الى لندن في الشتاء

    وشارع الإدجوار رود..الشيىء المفيد فيه هو وجود السيفوي..للتمجيل فقط لا غير

    اعتبر هذا الشارع في فترة الصيف عبارة عن سوق الجمعة..وحارة كلمن ايدو إلو

    ولكن لندن كلندن لها ذكريات عزيزه بس لايكثر وايدعليها 5 ايام..الا اذا كان التفكير في الخروج الى خارجها ..وزيارة او البقاء في المناطق الريفية الجميله

    ReplyDelete
  65. haifaWednesday, July 30, 2008 at 2:53:00 PM GMT+3

    اسفة اذا ضيعتك .. بالثمانينات كنت صغيرة .. بس مو مشكلة فاهمة قصدك

    انت داش من
    Bayswater
    ممتاز كمل لي نهاية الشارع اخر شي بيصير شارع
    Westbourne Grove
    على يسارك دايرك دشه بتحصل دار الساقي واضحة على يمينك

    ولزيادة الاحتياط انا حددت لك المسار بخريطة

    http://img258.imageshack.us/img258/6563/mapbmpno4.jpg

    وهذي الخريطة الاصلية بدون تحديد

    http://img112.imageshack.us/img112/2957/mbmpti8.jpg

    ولاتتردد باي استفسار

    تحياتي لك

    ReplyDelete
  66. AnonymousWednesday, July 30, 2008 at 8:53:00 PM GMT+3

    هيفا... ما قصرتي ومشكوره وايد ... تطالبيني كتاب خلاص

    ReplyDelete
  67. AnonymousSaturday, August 2, 2008 at 10:06:00 PM GMT+3

    haifa

    طريقتج في وصف العناوين تذكرني بطريقة زوجتي لين يات توصف عنوان مكان

    : )

    LOL

    ReplyDelete
  68. ZwaiZSunday, August 3, 2008 at 8:01:00 AM GMT+3

    allaaaaaaaaaaah wallah 7adich shawagteeni sij feeni landaaan bas yoom enich ray7a belishta 3ayal wain dishadeesh enoum weya lichraimba eb starbucks? mayseer malegaitay a7ad .. well Edgware allah esalmich hatha et6ibeena esib7 bas wetha no3koum shamata 7ada eb testansoun 3al aliens eli ehnak for me niskha thanya 3an share3 el-haram cuz kel shay et7asleena legal wela illegal bas lazim 3al aqal a6iba marah 7ag kakaw woolworth ;)

    ReplyDelete
  69. ZwaiZSunday, August 3, 2008 at 8:08:00 AM GMT+3

    Anonymous:
    etha whiteleys 3ala yisarik kamil seeda lain Akher eshari3 ba3dain ekhith yisar eyounik ma7alat DVDs o kharabee6 3ala yisarik kamil seeda betyeek jam3iya kamil seeda eb telga ma6a3im malha ma3na 3ogba ma7alat electronics o saydaliya etha mani ghal6an etha esaydaliya sarat 3ala yisarik telga el-maktaba 3al yimeen ;)

    ReplyDelete
  70. nothing 2loseTuesday, October 14, 2008 at 6:56:00 PM GMT+3

    This comment has been removed by the author.

    ReplyDelete
  71. nothing 2loseTuesday, October 14, 2008 at 6:59:00 PM GMT+3

    salam bint aana baroo7 london in jan 2009 abe a3rf as3ar al flats fe adgware road aw water garden if u dont mind thx alot honey

    ReplyDelete
  72. بنت الشاميهWednesday, October 15, 2008 at 10:07:00 AM GMT+3

    nothing 2lose :

    على السكن ما عندي اي فكره
    بس هناك مكاتب لاتاجير الشقق والسيارات وللعلاج
    بس الافضل البحث بالنت...وبحثي بنفسك
    وخذى فكره عن الاسعار
    هناك الوتر قاردن خوش عماره قريبه من اجور رود....واسعارها مناسبة
    بس يمها عمارت وايد للتاجير
    نسيت اساميهم.....ترا بسهولة الايجار هناك

    والله يوفقج

    ReplyDelete
  73. بنت الشاميهWednesday, October 15, 2008 at 10:09:00 AM GMT+3

    nothing 2lose :

    على السكن ما عندي اي فكره
    بس هناك مكاتب لاتاجير الشقق والسيارات وللعلاج
    بس الافضل البحث بالنت...وبحثي بنفسك
    وخذى فكره عن الاسعار
    هناك الوتر قاردن خوش عماره قريبه من اجور رود....واسعارها مناسبة
    بس يمها عمارت وايد للتاجير
    نسيت اساميهم.....ترا بسهولة الايجار هناك

    والله يوفقج

    ReplyDelete


الـصـمـــت دواء الـغـضـــب