Friday, March 23, 2007

اللى تطلع فى حوشهم يدق على 777

التحديث بالاسفل
يتردد هالايام فى دواوين الشامية والشويخ....سالفه
غريبه عجيبه...طقتنى عقر بقر
الكل شاف العمل الشاق ليلا ونهارا
فى مدخل شارع فهدالسالم
هذاالمشروع الجديد لتخفيف الزحمه
عن العاصمة وهو مجهود يشكرون عليه
ولكن
يقال إنهم جلبوا آلة حفر للأنفاق
نزلوها بحفرة من تحت دوارالشيراتون
وتطلع عندمستشفى الأمريكانى القديم
وبداءالحفر بالمشروع
ودخلت الآله النفق
وانطروها عند المستشفى الأمريكانى...انطروها انطروها
ما طلعت....وين راحت الله اعلم؟؟؟
يمكن راحت البحر أو وصلت نص  
شارع فهدالسالم
أو وصلت البنك المركزى يقولون
ان خزينته بالبحر
أو ردت عايدى على الشاميه
والناس تقول ان الشامية مشهوره
بالأبار... يمكن طاحت
بأحد هالأبار
اهل الشامية والشويخ خايفين
لا تطلع بحوش احد بيوتهم
خايفين على عيالهم وخدامهم
يقولون ان مدة الديزل اللى فيها
شهر ويتوقف الحفر
بس مساكين البيوت اللى تطل
على هالمشروع لا ليلهم ليل
ولا نهارهم نهار من الازعاج
****************
اصحاب المشروع حطوا ايدهم على
خدهم يدورون
عن الحل السريع شيسوون؟؟؟؟
فأجروا الة للحفر ثانيةوايد وايد
غالية قيمتها الشرائيه يقولون
ستة ملايين دينار
تدار عن طريق الأقمار الصناعية
عشان ما تضيع
*************
فعلى اللى يلقى هالحفارة يردها
حق اهلها مو يبيعها
في سوق اليمعه ..وله مكافأة
من اهالى الشامية وشويخ

**********
****

تحـــديث الاحد 25 مارس

الاخوان والاخوات المدونين شككونى بنفسى
فرديت أتاكد من السالفة مرة ثانيه….قالولى
لمعلوماتك حتى الحفارة الثانية
الى الحين ما طلعت
واما إنها تدار بالاقمار الصناعية
ضحكوا علي وقالوا
شفيج مخترعه ترى حتى تليفون
الثريا يدار بالاقمار الصناعيه
تراه
CHIP
يحطون التليفون ويشتغل
اما عن الحفارة الاولى فقد
كانت تدار بكنترول يدوي
وهناك شاشات تلفزيونيه تُتابعها
ولكن الحظ انقطعت
الكهربا هذاك اليوم
ومن بعدها ما يدرون وينها
تبون تعرفون من اللى قالي السالفه
شخص مهم فى الشامية
اقول اسمه بعد  التشكيل الوزاري
اخاف بعد يصير وزير وابتلش بعمرى
تصدقون من كثر ما بحّثت عن هالسالفه شكوى فينى
تدرون شقالوا لي ..اخاف اطلعت بحوشكم وانتوا خاشينها
وسلااااامتكم
at

31 comments:

  1. charismaFriday, March 23, 2007 at 11:29:00 PM GMT+3

    ههههههههههههههه
    شهالحااله
    ضااعت الحفارة تحت الارض
    قبببره

    واى السالف اضحك
    بس عسى الى يلقاها يبيعها بسعر زين ما يبخص حقها
    :))

    el7mdlah 3la slamtch 7bebty aw tgabl alah 6a3tch

    ReplyDelete
  2. Mamloo7a Q8iaFriday, March 23, 2007 at 11:37:00 PM GMT+3

    هههههه حسبي الله على ابليسج
    هههههه مت من الضحك
    كلش مو شي تطلع في الحوش
    هههههه
    حفارة ضاعت
    ههههههه
    والله سالفة!! شلون ضاعت؟؟؟
    ههههههه
    تهقين انحاشت ؟ولا انخشت مالها خلق تحفر؟
    هههههههههههه
    الحمدلله على سلامتج وعمرة مقبولة يا رب

    ReplyDelete
  3. AnonymousSaturday, March 24, 2007 at 1:12:00 AM GMT+3

    الله يعينكم على هالازعاج..

    ReplyDelete
  4. nEoSaturday, March 24, 2007 at 10:29:00 AM GMT+3

    عمرة مقبولة اول شي


    بعدين انا مافهمت الصج من الطنازة

    صج مو صج


    بهل زمن كل شي يصير !!


    بس قوية سالفة الاقمار الصناعية

    :\


    يعني بس هاذي اللي قوية !

    ReplyDelete
  5. بنت الشاميهSaturday, March 24, 2007 at 11:05:00 AM GMT+3

    charisma:

    مشكوره وتقبل الله منى ومنج صالح الاعمال

    احنا فى الشامية بحوسه كلنا ندورها

    وقلت لهم اللى يلقها بارض الله تصير حقه وله مطلق التصرف فيها

    صح والإ موصح...........هههههههههه



    Mamloo7a Q8ia:

    الله يسلمج ويخليج.....عاد شفتى سالفتنا

    يا شماتت ابله زازا فينا

    انا اقول ادثرت بحر

    لوووووووووول



    محمد سالم


    حياك الله ...صج مساكين الازعاج عليهم كل

    الوقت .....وزود الغبره تالفتهم تلاف



    nEo:

    تقبل الله منى ومنك


    والله يقولون السالفه صج.... حرام مو

    تطنز......الحفارة الاولى ضاعت ما

    يدرون وينها....فيابوا وحده احدث

    منها ومتطوره بس عاد شلون يراقبون

    مسار العمل .........عاد اختك ميح

    بالعلوم والفيزيا.......هههههههه


    بس مو حشوتهم الا انها تدار بالاقمار الصناعيه


    لوووووووووووووول

    بس عجيبه السالفه

    ReplyDelete
  6. Dr. SalehSaturday, March 24, 2007 at 12:14:00 PM GMT+3

    أعتقد اللي موصللك السالفة زاد البهارات شوي

    شنو هالحفارة اللي تحفر أنفاق بدون مشغلين وعمال لتدعيم الأرض والمنشآت اللي فوقها

    ReplyDelete
  7. بنت الشاميهSaturday, March 24, 2007 at 4:20:00 PM GMT+3

    Dr. Saleh:

    اكيد السالفه مبالغ فيه شويه

    بس الاكيد ان الحفارة الاولى ما لقوها

    واجروا الثانية متطوره احسن من الاولى


    وبعدين انا مو مهندسه علشان اقول لك

    بالظبط اللى حصل... لانى اصلا ما اعرف

    شلون ما لقوها ......؟

    ReplyDelete
  8. UnknownSunday, March 25, 2007 at 1:50:00 AM GMT+3

    صج جذب ما ادرى شنو الموضوع بس جنه قوية ؟؟؟
    شهالقصة اول مرة اسمع فيها مع انى مطيح اهناك ؟؟
    لازم اتبحص بهالموضوع العجيب ؟:)

    ReplyDelete
  9. بنت الشاميهSunday, March 25, 2007 at 12:23:00 PM GMT+3

    mishari:

    والله يقولون السالفه صج

    واذا تاكدت انت من السالفه بعد علمنى


    اقرا التحديث الجديد عشان تصدق

    اهلا وسهلا

    ReplyDelete
  10. nEoSunday, March 25, 2007 at 1:38:00 PM GMT+3

    chip

    ReplyDelete
  11. بنت الشاميهSunday, March 25, 2007 at 1:58:00 PM GMT+3

    NEO:

    شكرا

    ReplyDelete
  12. DiLLi O MiLLiSunday, March 25, 2007 at 5:36:00 PM GMT+3

    هههههههه ... هذي بقالها أحمد عدويه وأغنيته
    عيله تايهه يا ولاد الحلال .. ببلوزه نايلون نايلون على جيبه تريجاااال

    مع بعض التعديل : ببلوزه ديزل ديزل على جيبه طربااال

    :)

    ReplyDelete
  13. nEoMonday, March 26, 2007 at 9:59:00 AM GMT+3

    اكد مصدر مسؤول في احدى الدواوين الواصلة في الشامية ان موضوع الحفارة المذكور في احدى المدونات ما هو الا محاولة عابرة للنيل من سمعة و كفاءة اهل الشامية في ادارة مشاريع منطقتهم و اكد المصدر ان من يقف وراء الخبر همه الاول هو شق وحدة صف ابناء الشامية بشكل عام و ابناء قطعة 3 بشكل خاص اللي يمهم المشروع

    و أكد المصدر ان ممثلين رسميين من الدوانية سيتوجهون اليوم لوزير الاشغال الجديد لدعم موقفه و التأكيد على ان الشامية ما يديرها الا عيالها تأكيدا لمبدأ و نهج سار عليه سكان المنطقة منذ القدم

    وأكد المصدر بانه يدعو من خلال ووسائل الاعلام المختلفة الى التصدي لكل المحاولات البائسة للنيل من سمعة الشامية داعي المولى عز و جل ان يسدد خطى عيال الشامية

    و بدورنا نتوجه باهداء هذا الخبر الى العزيزة بنت الشامية لتبيان ردها

    ReplyDelete
  14. بنت الشاميهMonday, March 26, 2007 at 1:59:00 PM GMT+3

    DiLLi O MiLLi:

    ههههههههههههههه

    تدرين.....عندى فكره احسن نحط مطِرب

    يقول يا من يعاين الضاله

    لووووووووووووووووول




    neo:

    ههههههههههههههههههههه

    تصدق تشرقدت من الضحك...على خوفك منى

    لللإساءة للشركة المنفذة للمشروع...مت

    من الضحك وانا قليل ما اضحك

    صج انك حليو وطيب حتى فى حديتك وحماسك

    لا لا لا لا تخاف انا معاك وانت معاى

    وانت ما تدرى.....بس لا تاخذ الاخبار

    الصجيه العودة وايد وايد اللى كبر

    الحفارةوتنفيها....شدعوه عاد ما نضحك

    المهم.... حتى تتاكد ادعوك ان تزور

    احد دواوين الشاميه الكبيرة لسماع

    وين وصلت الحفارة وبعد بحضور.......و

    لازم ترجع وتقول لى اللى دار فى


    الدوانية واللى سمعته بعد من رواد

    اهل الدوانيه.....اخوى العزيز ترانا

    كلنا عيال قريه...وكُل من يعرف اخيه

    وبعدين

    حشا ما قصدت اللى فى بالك وبال اهل

    هالدوانية....لو قريت البوست من اوله

    شان فهمت شنو اقصد....مجرد الفكاهة


    ترى انطر الرد.....وحياك الله

    ReplyDelete
  15. nEoTuesday, March 27, 2007 at 9:44:00 AM GMT+3

    هممممممم


    تبين تهدين اللعب ويا اهل المنطقة


    معقول معقول


    سياسية و ذكية


    احاول اتوسطلج عندهم

    :\

    ReplyDelete
  16. بنت الشاميهTuesday, March 27, 2007 at 11:19:00 AM GMT+3

    neo:


    ههههههههههههههههه

    والله انت الاذكى.......هل انت عندك اى شك فى ذكاء اهل الشاميه؟؟؟

    ترانى على وعدى لك.....والميه تكذب

    الغطاس....... وبعدين ترى احنا اللى

    دفنا قلبان الهويدى وبنينا

    بيوتنا.......هذى كلها سوالف جدى الله

    يرحمه اسال ابوك وتاكد.....اذاانت


    ما لحقت على القلبان......ء


    واترك لك التقدير منو اهل

    الشاميه؟؟؟ومنو اللى بناها؟؟؟

    ومنو اللى قلبه عليها؟؟؟؟؟


    وبعد ازيدك من الشعر بيت.....ترى

    انا بعد ما ارضه على الست العجوز

    شويخ منطقة ب....ترها اهى الاصل

    ومشكور للتوسط.....قايلتك خاشتك

    لوقت الحاجه

    طولت عليك .....عاد الحين حلل معاشك

    وجابل شغلك......لووووووووووووول

    ReplyDelete
  17. بنت الشاميهTuesday, March 27, 2007 at 1:22:00 PM GMT+3

    neo:

    نسيت.....نسيت.....ء

    تصدق نسيتني لا اقولك.....ترى حتى احنا الحريم بنسوى احتماع علشان يقولون لنا عن المشروع بس....... ترى مو عن الحفارة..........خل يبرد قلب عيال الشاميه .....و الى الحين ما لقينا صالة شبيره تشيل حريم الشاميه وشويخ

    شان يعطونا قصر السلام.......... يمكن

    ههههههههه

    ورجاءا مانبى اى ريال........

    بعدين همتك معنا بانتخابات الجمعيةء

    ReplyDelete
  18. AnonymousTuesday, March 27, 2007 at 1:26:00 PM GMT+3

    السالفة مثل فيلم توم كروز
    حرب العوالم

    ReplyDelete
  19. Mamloo7a Q8iaWednesday, March 28, 2007 at 12:58:00 AM GMT+3

    شوفي حبيبتي انا بديت اشك انها في حوشكم
    وهل ممكن قدامى سكان الشامية يشاركون في الاجتماع؟؟؟

    ReplyDelete
  20. بنت الشاميهWednesday, March 28, 2007 at 11:34:00 AM GMT+3

    3AJEL:

    تصدق بقيتها طرب صارت نشب

    واخاف اقول شئ بعدين يزعل على الاخ نيو.......وانا مابى ازعله

    والله وانت الصاج مو حرب عوالم الا صارت حرب شركات
    لوووول

    ReplyDelete
  21. بنت الشاميهWednesday, March 28, 2007 at 11:39:00 AM GMT+3

    Mamloo7a Q8ia:

    هلا بالشيخه....اللى ماله او ماله تالى

    الإ تشرفونا وتكحلون عيونا...وان

    ماشالتكم الارض تشيلكم عيونا

    وبعدين حوشنا صار من اسرار الدوله

    العظمى....ههههههههههههههههههههه

    ReplyDelete
  22. nEoWednesday, March 28, 2007 at 11:45:00 AM GMT+3

    أسباع يا اهل الشامية

    لقوا الحفارة

    بدون اي تدخل أجنبي

    الحفارة بينت

    و مؤتمر صحفي بعد قليل


    و سنوافيكم بعد حين بالمستجدات

    ReplyDelete
  23. بنت الشاميهWednesday, March 28, 2007 at 5:41:00 PM GMT+3

    neo:

    قولولولوششششششششششششششششش


    بس اى وحده فيهم

    وبعدين وين لقوها؟؟؟

    عيزت ادور مصدري...الله يهداه رايح

    الحداق وموبايله ما يفتحه

    بس الحين بروح اسئل عمال الحفر عن اخر


    الاخبار...........هههههههههههه

    ReplyDelete
  24. Mamloo7a Q8iaFriday, March 30, 2007 at 2:36:00 AM GMT+3

    تسلم عيونج يالغالية
    اخجلتي تواضعنا
    هههههه
    حلوة عرفنا الحفارة وين
    في حوش الدولة العظمى
    صح؟؟؟؟

    ReplyDelete
  25. AlatherFriday, March 30, 2007 at 1:58:00 PM GMT+3

    حقيقة؟!؟

    عاد صارلي جم يوم مطيحة بالشامية!؟

    ReplyDelete
  26. بـركـــــانSaturday, March 31, 2007 at 1:44:00 AM GMT+3

    بعد التحيه

    اول مره اسمع هل السالفه يا بنت الشاميه .. و منكم نستفيد ..

    اذا طلعت عندكم جربي حظج و نقبي صوبكم يمكن فيه نفط ..

    و انا ادبر لج سعر بسوق السوده .. :)

    تقبل الله طاعتكم

    بركـــان ثائر

    ReplyDelete
  27. بنت الشاميهSaturday, March 31, 2007 at 10:09:00 AM GMT+3

    Alather:

    اهلا فيج اول شئ جم واحد كله يقولون لى انهم مطيحين بالشامية.....وين؟؟؟

    وبعدين السالفة صج

    تحياتى




    بركان

    مشكور على العرض.....بس احنا ما نبى الا المكسب الحلال والمشروع

    فاذا لقيتها بردها للاهلها

    لانهم من اهل الشاميه.....يقولون

    ReplyDelete
  28. حنطفيسSaturday, March 31, 2007 at 8:40:00 PM GMT+3

    من سمعت سالفتج وآنا خايف ادش الحمام !!؟

    اخاف اقعد على المرحاض عزكم الله وعلى حظي تطلع الحفاره !!؟؟

    ReplyDelete
  29. nEoSunday, April 1, 2007 at 10:56:00 AM GMT+3

    www.article36.com

    ReplyDelete
  30. AlatherSunday, April 1, 2007 at 10:21:00 PM GMT+3

    بالجمعية بعد وين
    :Pp

    بعدين لا تنسين التربية الاساسية هناك .. مو يمكن عندنا اشغال
    ;)

    ReplyDelete
  31. بنت الشاميهSunday, April 1, 2007 at 11:57:00 PM GMT+3

    Alather:

    ابييييييييييييه كل انسى هالكليات

    تبين الصج الشاميهصايره كل زحمه منهم

    والله يخليج اشتروا وايد من الجمعية علشان تزيد اربحنا منها

    لووووووووول

    حياج الله

    ReplyDelete


الـصـمـــت دواء الـغـضـــب